Urkunde Nr. 3599 aus Band VI

Seite im UB:

329-330

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

3599

1468 März 12 Der Konvent von Kolozsmonostor bezeugt, dass Melchior Sleyfer und dessen Gattin Margarethe ihren Streit mit Richter, Rat und der ganzen Bürgerschaft von Klausenburg als beendet erklärt haben.

Nos conventus monasterii beatae Mariae virginis de Closmonostra memoriae commendamus tenore praesentium significantes quibus incumbit, quod providus Melchior dictus Sleyfer de civitate Coloswar ac honesta domina Margaretha nuncupata, consors eiusdem ab una, parte siquidem ex alia prudentes et circumspecti viri Lucas Kerekes iudex, necnon Johannes Sellipar, Petrus Buda et alter Petrus Chyzar, iurati cives dictae civitatis Coloswar, in ipsorum ac universorum hospitum et incolarum necnon totius communitatis eiusdem [S. 330] civitatis Coloswar personis nostram venientes in praesentiam, annotati Melchior Sleyfer ac domina Margaretha, consors eiusdem, vivae vocis oraculo spontanea que eorum voluntate confessi sunt in hunc modum: Quod licet ipsi ratione certorum dampnorum, iniuriarumque et nocumentorum ipsis quorumcumque illatorum contra memoratum Lucam Kerekes iudicem, necnon Stephanum Feyer, Johannem Hozywmezeu ac alterum Johannem Zegen, Ladislaum Kalmar, Valentinum Syweges, Nicolaum Zempol et alterum Nicolaum Petrimathie cives ac totam communitatem antelatae civitatis, litem seu causam inoverint et inchoaverint eamque curam nonnullis iudicibus et iustitiarum diutius hincinde deduxerint prosecutique fuerint. Tamen ordinationem et compositionem nonnullorum proborum virorum pacem partibus zelantium sedatis et sopitis ac condescensis quibusvis litibus, causis causarumque processibus, praenominatos Lucam Kerekes, Stephanum Feyer, Johannem Hozywmezeu, alterum Johannem Zegen, Ladislaum Kalmar, Valentinum Syweges, Nicolaum Zempol ac alterum Nicolaum Petrimathie universosque cives, hospites et incolas ac totam communitatem praefatae civitatis Coloswar eorumque successorum universos super universis nocumentis dampnis, iniuriis, iurgiisque ac quibusvis malorum, quibus qualitercumque hactenus patratis et commissis reddidissent et commisissent expeditos, quitos¹⁾ et per omnia absolutos ymmo reddiderunt et commiserunt coram nobis universos etiam et quaslibet literas causales coram quibusvis iudicibus et iustitiorum sub quibuscumque formis verborum contra memoratos iudicem iuratosque cives ac hospites et incolas necnon totam communitatem emanatas et emanari procuratas, cassas, vanas, inanes et invalidas exhibitoribusque earundem nocituris relinquentes. E converso vero praefati iudex ceterique iurati cives in ipsorum et aliorum quorum supra nominibus et in personis annuentes et promittentes, annotatos Melchiorem Sleyfer ac dominam Margaretham consortem eiusdem eorundemque successores universos semper et in aewum pacifice et quiete absque omni impedimento molestationeque in medio eorum conservare et tenere coram nobis harum nostrarum testimonio literarum. Datum in festo beati Gregorii papae, anno domini millesimo quadringentesimo sexagesimo octavo.


1) So Vorlage.^{^}