Urkunde Nr. 3354 aus Band VI

Seite im UB:

168-169

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 190 verso - 191 recto.

Druckvorlage:

nach Abschrift

Abdruck als:

Volltext

Sprache:

Latein

---

3354

Kronstadt 1464 März 3 Petrus, Pleban von Weidenbach und Burzenländer Dechant, bestätigt die Urkunde des Johannes Rewdel von 1464 Nr. »3350 über eine Messestiftung der Katharina Klomp, Witwe des Thomas Roth.

Petrus plebanus de Wydenbach ac decanus Braschouiensis universis et singulis has literas nostras inspecturis reverentiam et omnem honorem cum caritatis affectu. Noveritis quod honesta et provida domina Katherina filia quondam Laurencii Klomp et relicta Thomae Ruffi cum fratre eius Symone Klomp ac ceteris amicis et cognatis nostri veniens in praesentiam quasdam literas reverendi magistri Johannis Rwedel¹⁾ baccalarii in decretis ac plebani Brassouiensis appensione sui sigilii consignatas infrascripti tenoris nobis exhibuit, petens devota cum instantia ut easdem literas ac illarum continentias articulos et clausulas quo ad omnia approbare, ratificare et confirmare ac nostris literis de [S. 169] verbo ad verbum inseri facere dignaremur. Quarum tenor sequitur et est talis. (Folgt die Urkunde des Johannes Rewdel von 1464 Nr. »3350). Nos igitur huiusmodi supplicationibus praefatae dominae Katherinae et suorum amicorum tanquam iustis et rationabilibus paterna inclinati benignitate praefatas literas dicti magistri Johannis plebani Brassouiensis sanas et integras non vitiatas non cancellatas non abrasas sed omni prorsus vitio et suspitione carentes quoad omnes earum continentias clausulas et articulos ratas et gratas habentes et praesentibus literis nostris de verbo ad verbum inserentes acceptamus, ratificamus, approbamus et ex vera nostra scientia auctoritate nostra ordinaria confirmamus. In quorum fidem et testimonium praesentes literas nostras sigillo capituli sub appenso iussimus communiri. Datum Brasschouiae die tertia mensis Marcii, anno domini millesimo quadringentesimo sexagesimo quarto.


1) e über w. ^{^}