Urkunde Nr. 3333 aus Band VI

Seite im UB:

155

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 192 verso - 193 recto.

Druckvorlage:

nach Abschrift

Abdruck als:

Volltext

Sprache:

Latein

---

3333

Kronstadt 1463 Oktober 15 Petrus, Pleban von Weidenbach und Burzenländer Dechant, beglaubigt das Testament des Petrus Greb von Kronstadt von 1463 Nr. »3325.

Petrus plebanus de Wydenbach ac decanus Brasschouiensis notum facimus universis et singulis praesentium notitiam habituris, quomodo pridem circumspecto et provido viro Petro Greb de Brassouia bonae memoriae defuncto atque per mortem sublato de medio nostri, veniens in praesentiam honesta domina Katherina eiusdem Petri relicta exhibuit nobis literas testamentales ipsius Petri praefati ad conspiciendum, legendum testimonium earundem audiendum easque cum instantia supplicans in suo vigore, quatenus conservare, approbare necnon et confirmare dignaremur. Quarum tenor sub hac verborum continebatur forma.(Folgt das Testament des Petrus Greb von 1463 Nr. »3325). Quibus quidem literis visis et perlectis sed autentico mortis praeventione carentibus munimento, produxit coram nobis domina Katherina praefata idoneum vivae vocis testimonium testes fidedignos viros providos et circumspectos iuratos consules Georgium videlicet in acie, Wys Mathias, Johannem Mwsch, villicum civitatis Brassouiensis, et Bartholomeum Erasmi, qui sub praestito officii et dignitatis iuramento suis conscientiis et fide deo debitis semper salvis et illaesis nominibus et in personis suis et totius consulatus confessi sunt concorditer asserentes, quomodo Petrus Greb iuratus consul et confrater dicti consulatus Brassouiensis compos per omnia rationis sed viribus dietim decrescens coram ipsis in consistorio pariter congregatis assurgens haec verba protulisset: En domini cives cari et fratres notum facio vobis quod testamentum meum per reverendum magistrum Anthonium notarium et fidelem meum secretarium confectum et conscriptum de mera mea et libera voluntate fore et emanasse ac omnia in ipso contenta me defuncto volo iuxta meam praeordinationem ita per omnia observari. In cuius testimonium vos omnes rogo et instanter requiro. Insuper et dictus vir reverendus magister Anthonius notarius Brassouiensis recepto prius et deposito nobis iuramento fatebatur illud idem fore et esse testamentum, de et super quo iuratos consules ut praefertur testes requisivit seque ab eodem tempore nec aliquid addidisse nec quitquam ex eo penitus diminuisse variasse. Nos igitur huiusmodi auditis testimoniis idoneis et fidedignis supplicationibus legitimis et iustis cum favore inclinati, praedictas literas testamentales non abrasas non cancellatas nec in aliqua sui parte vitiatas de verbo ad verbum nil addendo et nichil diminuendo praesentibus nostris literis fecimus transcribi et in suo vigore iuxta ea quae vidimus et audivimus secundum illud legis, quod in ore duorum vel trium stet omne verbum quo ad omnes suas clausulas continentias et articulos acceptamus, approbamus, ratificamus et perpetuo valituras confirmamus. In cuius rei testimonio praesentes literas nostras concessimus sigilii nostri quo ex officio fungimur munimine roboratas. Datum Brassouiae quindecima die mensis Octobris, anno domini millesimo quadringentesimo sexagesimo tertio.