Urkunde Nr. 3234 aus Band VI

Seite im UB:

87-89

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 32.

Druckvorlage:

nach Original

Abdruck als:

Volltext

Sprache:

Latein

---

3234

1460 Oktober 2 Der öffentliche Notar Urbanus Petri von Steinau bestätigt für die Fronleichnamsbruderschaft der Hermannstädter Pfarrkirche die Urkunde des Hermannstädter Rates von 1372 Nr. »989, des Erzbischofs Demetrius von Gran aus 1384 Nr. »1196 und die Urkunde desselben Demetrius aus 1384 Nr. »1194.

In nomine domini Amen. Anno nativitatis eiusdem millesimo quadringentesimo sexagesimo, indictione octava, die vero Jovis, secunda mensis octobris videlicet feria quarta proxima ante festum beati Francisci confessoris immediate sacratissimo corporis Christi infra ad chorum parochialis ecclesiae gloriosis-[S. 88] simae virginis Mariae opidi Cybiniensis Strigoniensis iurisdictionis de lectorio de altari in honore eiusdem dominici corporis Christi fundati deportato, videlicet hora tertiarum vel quasi pontificatus sanctissimi in Christo patris et domini nostri domini Pii divina providentia papae secundi anno eius tertio infrascriptis testibus praesentibus personaliter constituti viri prudentes et circumspecti fratres saeculares literati et layci fraternitatis altaris et lectorii eiusdem sanctissimi corporis Christi missa de ipso dominico Corpore Christi tam organorum quam vivarum notum vocibus eorundem fratrum sollempniter decantata et finita. Inter quos circumspectus vir Oswaldus pridem Cybiniensis magister civium suo ac universorum eorundem fratrum lectorii et altaris nominibus et personis producens certas infrascriptas huiusmodi fraternitatis videlicet inchoationis indulgentiarum et confirmationis patentes literas in pergameno scriptas sigillo eiusdem Cibinii rotundo cardinalium et archiepiscopalium vero oblongis ab extra cera crocea ab intra rubea more pontificum et cardinalium subappensis consignatas et michi infrascripto publico Notario traditas, sanas, illaesas, non abrasas, non cancellatas neque in aliquibus eorundem partibus suspectas sed et omni prorsus suspicionis vitio destitutas supplicans cum publico notario subscripto nominibus quibus supra ut easdem literas de verbo ad verbum transsumerem et transcriberem transumptum sive transscriptum earundem sibi cunctisque fratribus eiusdem fraternitatis tam praesentibus quam futuris sub instrumento publico tradere et dare dignarem, quarum literarum primae et fundationis ipsius fraternitatis tenor per omnia sequitur et est talis: (Folgen die Urkunden des Hermannstädter Rates von 1372 Nr. »989, des Erzbischofs Demetrius von Gran von 1384 Nr. »1196 und desselben von 1384 Nr. »1194.)

<ku<Notarzeichen. Et ego Urbanus Petri de Stynawia clericus Wratislawiensis dyocesis publicus papali ac imperiali auctoritatibus notarius, quia praescriptarum fraternitatis literarum productionem transsumptum ac indulgentiarum petitionem transsumptum sive transscriptum eorundem donationis aliisque omnibus et singulis praemissis dum sic ut praemittitur fierent et agerentur unocum praescriptis testibus praesens fui eaque sic fieri vidi et audivi. Ideo praesens transsumpti instrumentum manu mea propria scriptum publicari et in hanc formam publicam redegi signoque et nomine meis solitis et consuetis roborando consignavi, rogatus et requisitus in fidem et testimonium omnium praemissorum.

Ego vero infrascriptus publicus notarius praeexpressas literas ad manus meas suscepi, vidi, palpavi et legi easque de verbo ad verbum sine diminutione aut aliquali augmento transsumpsi et transscripsi, transsumptum sive transscriptum earundem praedictis petentibus tradidi et assignavi ut ad quemcumque locum deferre habeat prasens transumpti instrumentum et nonnullis pro eis exhibere et praecipue reverendissimis in Christo patribus et dominis dominis cardinalibus, archiepiscopis seu apostolicae sedis de latere legatis aut post hoc sanctissimo in Christo patri et domino nostro domino Pio divinae gratiae papae secundo moderno sive etiam postmodum suis successoribus eo sublato domini nostri archiepiscopi, vicariis praesentare tamquam originalibus litteris plena fides adhibeatur. Literarum vero confirmationis praenominatae fraternitatis ut superius praemittitur in sexta riga praesentis instrumenti locus pergameni hic defuit, quod praesenti transsumere non potui, ipsam tamen in secundo instrumento per me confecto similiter transsumpsi et transscripsi ut in eodem lucidius valeat intueri. Adduxit insuper annotatus Oswaldus nominibus quibus supra modo tali ex quo voluntate divina praedicta parochialis ecclesia gloriossissimae virginis Mariae in Cybinio in latitudine et longitudine decora aedificatione exstitit de praesenti amplificata. Ideo ad laudem, honorem et gloriam sacratissimi cor-[S. 89]poris Christi et ad devotionem cunctorum Christi fidelium et incitamentum ad fidem scismaticorum hic existentium ipsi universi fratres eiusdem ut praefertur fraternitatis saepedictae decreverunt annuentia venerabilis viri domini Valentini artium bacalaurei moderni Cybiniensis plebani iocunde interveniente ut hoc admirabile sacrosanctissimum sacramentum eiusdem redemtoris et salvatoris nostri singulis affuturis quartis feriis accensis candelis, pulsatis campanilibus cum cantico laetitia homo quidam fecit coenam magnam et cetera per fratres et alios Christi colentes ordinata processione in ecclesia praedicta in circuitu, in monastrancia ut decet de choro super lectorium ad altare corporis Christi missam de eodem organicis et vivis vocibus sollempniter decantandam portaretur. Ad cuius processionis sollempnem iocunditatem universi fratres supplicant humilime et devote omnibus ad quos praesentia pervenerint. Omnibus in dicta processione existentibus videlicet et utriusque sexus hominibus accensa lumina ante et post sacramentum ad laudem et honorem ipsius sacramenti supra usque ad altare sequentes deferentibus et missa cantatibus et in eadem perseverantibus usque ad finem indulgentiam in remissionem peccatorum elargiri gratiose ut videant cismatici magnitudinem sacramenti et ad fidem incitantur, qua mediante possunt salvari. Etiam quod nos in magnis tribulationibus et angustiis de praesenti constituti sumus. Ergo ad ipsum creatorem et salvatorem, quem expectamus refugium habemus. Qui et sua benignissima misericordia et defensione a Turcorum crucis Christi inimicorum insultibus nos hic et in futurum protegere et custodire dignetur¹⁾. Data et acta sunt haec anno, indictione, die, mense, hora, loco et pontificatu quibus supra praesentibus ibidem honorabilibus viris dominis Jacobo sartoris de Cybinio, artium bacalaureo, Mathia de Lankendorff pridem plebano, Michaele de Helta, literato, testibus ad praemissa vocatis et rogatis.


a) Im UB Abbildung des Notarzeichens (Signets) des Urbanus Petri de Stynawia auf Tafel VIII, Bild 2, unten als »Abb. ^{^}

1) Rasur 1 cm.^{^}

Abb.