Urkunde Nr. 989 aus Band II

Seite im UB:

388-390 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 32.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

989

1372 August 10 Der Rat von Hermannstadt bezeugt, dass die Heiligleichnamsbruderschaft sich verpflichtet hat, dem Pfarrer an der Marienkirche zum Unterhalt eines Kaplans alljährlich 22 Gulden zu geben.

In nomine domini amen.¹⁾ Cum tempus est numerus et mensura motus rerum mutabilium et actus humani qui fiunt in tempore ab hominum memoria faciliter decidunt ac vacillant, nisi scripturae praesidio, proborum virorum patrocinio virtuteque stili literatorie firme roboruntur, id namque inconcussum permanet, quod auribus sapientum digne instilletur, qui maturitate consilii, felici dispositione grandique cordis conamine sagaciter perpetua fortitudine diversa opera nituntur stabilire. Ex hinc nos Michael dictus Nonnencleppil magister civium plerorumque iuratorum consulum universitas civitatis Cybiniensis clara fulgitudine pacto praesentis paginae natis et nascituris gestimus evidenter manifestare, viros virtuosos almi dei servitio sane honorosos videlicet dominum Johannem plebanum Cybiniensem, Seruacium, Fredricum, Stephanum Nonnencleppil, Johannem Frankensteyn, Petrum Kathedralem, magistrum Henricum muratorem, Petrum de Czanze, Petrum Pfaffenhenel, Johannem coquum, Petrum Vita, Jacobum pictorem cives praenominatae civitatis cum plurimis fide dignis ipsorum societati adhaerentibus ante nostram adiisse praesentiam meri cordis cupidine nobis explicantes, quatenus sub amplitudine divini mysterii in laudem Christi corporis in quodam lectorio in templo beatae virginis Mariae habito quoddam altare struere volentes, in quo singulis diebus praecipue una missa sacerdotali officio nosceretur [S. 389] legendo perpatrari exceptis quintis feriis, in quibus ipsa missa serie iocundi modulaminis a praefatis hominibus et ipsorum confratribus sonora voce caneretur mystica forma condigne, ad quod praefati unum capellanum specialiter tenere cum plebano mentis benevolentia se rite astrinxerunt, quem plebanus pane suo nutrire et mansione dotis colligere foederavit tamquam reliquum sacerdotem sub iussu suo sacrae ecclesiae ministrantem, respectu cuius mysterii saepe dicti viri sibi plebano et omnibus suis successoribus in tempore adventuro supervenientibus viginti duos florenos in solutionem¹⁾ ipsius capellani expensarum singulis annis indilate foederabant daturos omni recusatione postergata, notandum quo tempore praedicta pecunia tribui tenetur solvendo in festo nativitatis sancti Johannis baptistae undecim item in festo nativitatis Christi similiter undecim sic singulis annis ob expensas praefatas sibi plebano solutionem efficabilem tribuendam sub aequalitate praefati numeri de praemisso excepta caristia seu fame, si in flagella dei huic regioni supervenerit in futurum, quod astripotens abstergat, ita notando quod forte ipsum sacerdotem pro quantitate huius pecuniae tenere non posset, ex tunc praefata societas in quodam auctorio seu decenti et possibili iuvamine sibi plebano deberet subvenire manu largitatis, ut dictum sacerdotem eo tempore dapsilius fovere valeret, prorsus videndum est quod ex convenientis et maturi suasu consilii plebanus ac praefatorum societas decreverit forma rationabili taliter statuendo, quod nullus defectus capellanorum haberi cernitur huius respectu officii sic intelligendo, quod prior numerus ipsorum dominorum permanet incorruptus, sacrae ecclesiae nulluni detrimentum in hunc modum ut suscitetur, sed quod ipse capellanus in augmentationem aliorum dominorum sacro templo famulari collocetur sub nomine pristinae ordinationis. Praeterea notandum convenit, cur vel quamobrem ipsa sacra institutio a praenominatis ordinata consistat.²⁾ Hic splendido more praesentibus lucide exponetur primo, ut excellentissimo corpori aeterni patris filii divaeque declivi maiestati claridius et plenius a peccatoribus cernui famuletur, per quod cunctis catholicis exempla aeternae beatitudinis diva instructione demonstrantur colenda id tali serie discernendo, quod gloriosi corporis mysterium humano servitio digna laude efficitur amplificaturum. Secundo advertendum quod praefati fide digni pauperiei seu penuriae diversorum egenorum et exilium contrito corde fidelis diligentiae exstiterant condolentes, quorum tumulationi exequiarum fere nullus astare videbatur ipsorum corpora sepelienda. Id namque ex deifica imbutione didicebant reniti mentis cum affectu, huius ob respectum praescripta ordinatio exstitit constituta, dumcumque aliquis ex ipsorum consortio viam universae carnis per migrationem consuetam, naturalem mortem suscipiens subintrando, tunc ipsa societas corpus defuncti sub conductione sanctae crucis cum honesta processione ad sacram ecclesiam dignoscuntur praesentare, diversis exequiarum operationibus id more catholico ad terram statuentes, item contoralis uxor vel pueri ipsis confratribus dum moriuntur, praefixae tumulationis dignitate sepeliuntur. Insuper ut saepius ingruit, quod mercatores et alii fide digni quamvis sint exules in nostra civitate moriuntur ex dispositione sublimae [S. 390] deitatis, quibus eadem sepultura causa dei nisu cordis studiose porrigetur, item ceteri pauperes et egeni, qui nullarum rerum consistunt possessores, eisdem pauperibus aequalis tumulatio dum tempus postulat ac requiret propter deum exhibetur, necnon respectu gloriosae virginis matris Mariae omniumque sanctorum, ut per haec merita liberam redemptionem omnium animabus fidelium defunctorum valeamus adipisci, obmissis omnibus prolixitatibus materiae breviter dicendo, quod ipse dominus plebanus nobis saepe fatis dederat in promissum spontanea mente bonaque voluntate se astringendo inclusive omnibus quatuor temporibus memorationem animarum praefatorum fratrum dum decedunt recitandam, cunctisque aliis Christicolentibus in salubrem scriptionem faciendam. Nos igitur praefati iurati consules inspectis iustis et perfectis praefatorum hominum supplicationibus opus deificum cupivimus dilatare, ut ipse dominus plebanus cum ceteris civibus nostris desiderabat, idcirco in laudem et gloriam summi conditoris et sublimis altitudinis praescriptam chartulam valitudine nostri sigilli affirmavimus iustam¹⁾ et condignam²⁾ ac in honorem gloriosi Christi corporis esse editam, cui vox mellica sit tonans puro corde precribrata quamvis sorde intoxicantis vitii cui deo laus aeterna per immortalia saeculorum saecula amen. Dans requiem cunctis deus hic et ubique sepultis. Datum per manus magistri Michaelis tunc temporis notarii provinciae, sub domini anno incarnationis millesimo trecentesimo septuagesimo secundo, die sancti Laurencii. In cuius rei me-oriam³⁾ sigilli praenominatae civitatis nexus praesentibus est appensus.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 388, 1-2 auf S. 389, 1-3 auf S. 390 (dortige 4-5 zu nachfolgender Urkunde).^{^}
[S. 388]
1) Bis hierher kleine verlängerte Schrift.^{^}
[S. 389]
1) Vorlage: solucon [Abkürzungsstrich über zweiter Worthälfte].^{^}
2) Vorlage: consistit.^{^}
[S. 390]
1) Vorlage: iustum.^{^}
2) Vorlage: condignum.^{^}
3) Vorlage: meoria [Abk/rzungsstrich über erster Worthälfte].^{^}