Urkunde Nr. 3176 aus Band VI

Seite im UB:

50-51

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell I, Nr. 16.

Druckvorlage:

nach Original

Abdruck als:

Volltext

Sprache:

Latein

---

3176

Marienburg 1459 April 2 Der muntenische Thronprätendent Dan verleiht Richter und Rat von Kronstadt die in Kronstadt hinterlegten Güter muntenischer Kaufleute als Entschädigung für die den Kronstädtern durch Vlad Ţepeş zugefügten Verluste.

Nos Dan waywoda et dominus partium Transalpinarum memoriae commendantes significamus tenore praesentium quibus expedit universis, quod cum nos de mandato et ordinatione serenissimi principis et domini domini Mathiae regis Hungariae et cetera domini nostri gratiosissimi de superioribus dicti regni partibus ad terram Burcensem¹⁾ pervenissemus, providi viri iudex, iurati tam civitatis Brassouiensis quam totius terrae Burczensis²⁾ praetactae³⁾, dolentibus animis et flebilibus vocibus conquerentes nobis declaraverunt, quomodo infidelis Dracul waywoda partium Transalpinarum praetactarum a fidelitate serenissimi principis praefati et eius regno declinasset, subdidissetque se saevissimo domino Turcorum, ut operis per effectum heu manifeste demonstrasset malingno spiritu concepto singulos mercatores de dicta Brascho et terra Burcza⁴⁾ et nunctios de eadem⁵⁾, qui tempore pacis praefatam terram Transalpinam pro⁶⁾ victuum suorum acquisitione⁷⁾ intrassent, cepisset diris vinculis mancipando, singula bona et res ipsorum circa se habita et inventas ab eis plene auferendo rabiem suae infidelitatis crudeliter ostendens in bonis [S. 51] ablatis non contentus sed eosdem mercatores et nunctios crudeli et miserabili nece sine suis demeritis et culpis ullis exigentibus interfecisset in palos trahendo; de quo furor suae crudelitatis adhuc maiori ardore accensus, singulos masculos et iuvenes, qui pro ydeomate adipiscendo in praefata terra Transalpina constituti fuissent, numero trecentos vel plures igne combussisset, suos autem homines in dicta civitate existentes occulte ad propria vocasset. Subiunxeruntque idem cives, quod certae res mercimoniales hominum et mercatorum de dictis Transalpinis partibus in ipsorum medio haberentur per ipsos arrestatae, petentes humiliter eis remedio provideri opportuno. Hiis auditis matura deliberatione unacum baronibus nostris praehabita⁸⁾ ipsos cives easdem res in ipsorum medio depositas praevia ratione auctoritate nostra iussimus recipere ad refundenda⁹⁾ dampna, quae ipsis tam in bonis quam hominum interemptione¹⁰⁾ sunt illata, nullo umquam tempore easdem res vel¹¹⁾ valorem ipsarum dictis mercatoribus de Transalpinis partibus fore restituendas. Pro quorum evidentia et testimonio praesentia sigillo nostro dedimus consignata. Datum in Fewldwar¹²⁾ feria secunda proxima post dominicam Quasimodogeniti¹³⁾, anno domini millesimo quadringentesimo quinquagesimo nono.

Monogramm mit roter Tinte: Іω Дана Воεвода Милостιя Вожιя Господинь.


1) 2. Ausfertigung Barczensem. ^{^}
2) 2. Ausfertigung Barczensis.^{^}
3) Fehlt in der 2. Ausfertigung.^{^}
4) 2. Ausfertigung Barcza. ^{^}
5) 2. Ausfertigung de dicta Brascho et nunctios de eadem et terra Barcza. ^{^}
6) 2. Ausfertigung causa. ^{^}
7) 2. Ausfertigung acquisitionis. ^{^}
8) 2. Ausfertigung hierauf et auctoritate nostra. ^{^}
9) 2. Ausfertigung rursum denda. ^{^}
10) Hierauf sunt gestrichen. ^{^}
11) Hierauf vel gestrichen.^{^}
12) 2. Ausfertigung Brassouiae. ^{^}
13) 2. Ausfertigung post octavas festi Paschae. ^{^}