Urkunde Nr. 355 aus Band I

Seite im UB:

332-333

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

355

1318 Februar 16 König Karl bestätigt seine Urkunde aus demselben Jahr Nr. »353 betreffend die Besitzung Zalathna für das Weissenburger Kapitel.

Karolus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Cumaniae Bulgariaeque rex omnibus Christi fidelibus praesens scriptum inspecturis salutem in omnium salvatore. Etsi magnae virtutis hoc in principibus et laudabile reperiatur, ut beneficiorum largitione suos fideles et devotos prosequatur, tamen non minori virtutum sede residet ea ad statum pristinum sanctione pragmatica revocare, quae cognoverit [S. 333] in praeiudicium aliorum per abusum potestatis indebite fuisse subrogata. Proinde ad universorum notitiam tam praesentium quam futurorum harum serie volumus pervenire, quod viri discreti magister videlicet Johannes archidiaconus Albensis et magister Petrus archidiaconus de Zonuk fideles nostri vice et nomine capituli ecclesiae beati Michaelis Transsiluanae ad nostrae maiestatis praesentiam accedentes exhibuerunt nobis literas nostras patentes super resignatione cuiusdam possessionis Zalathna vocatae per comitem Nicolaum filium Corrardi de Tholmach facta confectas, petentes a nobiscum instantia, ut ad maiorem iuris ipsorum conservationem dictas literas approbare et nostro dignaremur priyilegio confirmare. Quarum quidem literarum tenor talis est. (Folgt die Urkunde des Königs Karl von 1318 Nr. »353.) Nos igitur qui ex officio suscepti regiminis unumquemque in suo iure conservare et unicuique ius suum quo quis indigne¹⁾ privatus exstitit reddere et nova introductione ad statum pristinum revocare et restaurare debemus²⁾ praedictorum magistrorum Johannis et Petri archidiaconorum inclinati dictas literas nostras patentes non abrasas, non cancellatas nec in aliqua sui parte vitiatas de verbo ad verbum praesentibus literis nostris privilegialibus inseri facientes ratificamus, approbamus et etiam confirmamus ita, quod praesens nostra ratihabitio dictae resignationis per comitem Nicolaum filium Corrardi factae perpetuum sit munimentum. In cuius memoriam perpetuamque firmitatem nostras literas privilegiales capitulo praelibato fecimus emanari duplicis sigilli nostri munimine et appensione roboratas. Datum per manus discreti viri magistri Johannis praepositi ecclesiae Albensis, aulae nostrae vicecancellarii et archidiaconi de Kukulleu dilecti et fidelis nostri, anno domini M^o. C^o C^o C^o. decimo octavo, quarto decimo Kalendas Marcii, regni autem nostri anno similiter decimo octavo.


1) Hierauf: indigne.^{^}
2) Hier fehlt: petitionibus.^{^}