Urkunde Nr. 353 aus Band I

Seite im UB:

330-331

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

353

Temeswar 1318 Januar 8 ^a) König Karl spricht die Besitzung Zalathna dem Weissenburger Kapitel zu.

Nos Karolus dei gratia rex Hungariae significamus tenore praesentium universis, quod cum viri discreti magister Johannes nobilis dictus archidiaconus Albensis et magister Petrus archidiaconus de Zonuk dilecti et fideles nostri vice et nomine capituli ecclesiae beati Michaelis Transsiluanae contra comitem Nicolaum filium Corrardi in nostri praesentia personaliter inventum super facto possessionis Zalathna vocatae ordine iudiciario procedere et instrumenta seu privilegia sua super eadem possessione Zalathna obtenta exhibere voluissent, dictus comes Nicolaus actionem seu propositionem praefatorum Johannis et Petri archidiaconorum non exspectans, praedictam possessionem Zalathna vocatam, quam ipse et Stephanus de Olchuna aliquamdiu occupatam detinuerant cognoscens eam iuri ecclesiae beati Michaelis archangeli Transsiluanae pertinuisse ab antiquo, pure et simpliciter in nostri praesentia considentibusque nobis quam pluribus regni nostri baronibus et proceribus, cum omnibus suis utilitatibus et pertinentiis universis sub eisdem metis limitationibus et terminis quibus ab antiquo excitari limitata pro parte sua videlicet medietatem possessionis praedictae Zalathna vocatae, capitulo dictae ecclesiae beati Michaelis archangeli restituit, reddidit et resignavit, nulluni sibi et suis heredibus heredumque suorum successoribus in facto possessionis praedictae ius et dominium reservando. Et quia testimonium proprii oris confessione prolatum plus vigoris et fulcimenti habere dignoscitur, nos auctoritate regia dictam possessionem Zalathna vocatam [S. 331] dicto capitulo ecclesiae Transsiluanae fidelibus nostris cum omnibus suis utilitatibus et pertinentiis universis sub eisdem metis et terminis, quibus antea per eundem¹⁾ capitulum exstitit habita et possessa, reddimus et restituimus pleno iure pacifice possidendam et habendam promittentes eidem, ut cum praesentes nobis reportatae fuerint, super huiusmodi restitutione nostrum privilegium concedemus. Datum in Themeswar, tertio die festivitatis epiphaniarum domini, anno eiusdem M^o. C^o C^o C^o. decimo octavo.


a) Ausstellungsort im UB als: Temesvar.^{^}

1) So Vorlage.^{^}