Urkunde Nr. 3126 aus Band VI

Seite im UB:

17-18

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. C Nr. 9.

Druckvorlage:

nach Original

Abdruck als:

Volltext

Sprache:

Latein

---

3126

Ofen 1458 Juni 8 König Matthias erlässt den Bewohnern von Klausenburg für die Dauer von 3 Jahren alle ordentlichen und ausserordentlichen Abgaben.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera significamus tenore praesentium quibus expedit universis, quod nos tum attentis consideratisque debitae fidei constantia et utilibus sincere fidelitatis obsequiis quibus fideles nostri circumspectus et providus Egidius iudex ac Barthws iuratus civis sed et ceteri incolae et inhabitatores civitatis nostrae Coloswar primum sacrae regni nostri Hungariae coronae et expost nostrae maiestati se gratos reddiderunt tumque eo respectu, quod ipsa civitas nostra Koloswar populique in eadem commorantes hiis proxime retrolapsis disturbiorum temporibus molestiis et dampnis non mediocriter perculsi plurima dampna sustulerunt. Quorum respectu volentes huiusmodi dampnorum eiusdem civitatis nostrae restaurationem nostro regio favore subvenire universos census et proventus ordinarios¹⁾ scilicet et extraordinarios maiestati nostrae singulis annis e medio populorum et inhabitatorum²⁾ eiusdem nostrae civitatis Coloswar exigi et provenire debentes praefatis iudici iuratis ceterisque civibus et toti communitati eiusdem civitatis nostrae per tres annos integros a die dataram praesentium literarum inclusive computandos duximus gratiose remittendos et relaxandos immo remittimus praesentium per vigorem. Quocirca vobis fidelibus nostris universis et singulis dicatoribus, connumeratoribus, sollicitatoribusque³⁾ exactoribus quorumcumque proventuum nostrorum ordinariorum scilicet et extraordinariorum quibus praesentes ostenduntur harum serie firmissime mandamus, quatenus nullos proventus seu census neque scilicet ordinarios neque etiam extraordinarios de ipsa civitate nostra Coloswar maiestati nostrae modo praemisso singulis annis provenientes a praefatis populis et incolis eiusdem civitatis per tres annos integros a die, ut praefertur, datarum praesentium inclusive computandos dicare et exigere aut eodem ad solutionem eorundem censuum et proventuum nostrorum contra formam praemissae nostrae relaxationis quoquomodo cogere et compellere rationeque non solutionis eorundem in personis et rebus ipsorum impedire, molestare et dampnificare non praesumatis et nec [S. 18] sitis ausi modo aliquali gratiae nostrae sub obtentu. Praesentibus perlectis exhibenti restitutis. Datum Budae octavo die festi sacratissimi corporis Christi, anno eiusdem millesimo quadringentesimo quinquagesimo octavo.

Unten rechts: Lecta.

Auf der Rückseite von der Kanzlei: L. W. regestratus.


1) Auf Rasur.^{^}
2) Vorlage: inhabitorum. ^{^}
3) Vorlage: sollitatoribus.^{^}