Urkunde Nr. 3125 aus Band VI

Seite im UB:

16-17

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. J 18.

Druckvorlage:

nach Original

Abdruck als:

Volltext

Sprache:

Latein

---

3125

Ofen 1458 Juni 8 König Matthias gewährt der Stadt Klausenburg das Recht, alle Personen, die Zivil- oder Kriminalgerichtsfälle anhängig haben, nach der Gewohnheit der Stadt abzuurteilen, mit Ausnahme der Adligen.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae¹⁾ et cetera memoriae commendamus tenore praesentium significantes quibus expedit universis, quod quamvis regalis munificentia erga universos sacrae regiae coronae fideles de innata sibi benignitate merito liberalis existat, ad illos tamen uberius se debet diffundere, qui ferventiori studio ad sua servitia ceteris se paratiores praeclarioresque reddunt. Attendentes itaque debitae fidei constantiam et utilia sincere fidelitatis obsequia, quae nobis fideles nostri circumspectus et providus Egidius iudex et Barthws Feyer iuratus civis sed et ceteri incolae et inhabitatores civitatis nostrae Coloswar eo tempore, quo nos apud manus condam domini Ladislai similiter regis Hungariae praedecessoris nostri iniuste et abs²⁾ re²⁾<fnz>detinebamur et plerique partem ipsius Ladislai regis tenentes illustrem dominam Elyzabet genitricem ac spectabilem et magnificum Michaelem Zylagy avunculum, nostros carissimos, nunc gubernatorem huius regni nostri Hungariae et ipsis adhaerentes partem scilicet nostram foventes dire persequabantur eisdem dominae Elyzabeth genitrici et Michaeli Zylagy avunculo nostris pro eliberatione nostra laborantibus adhaerendo et item sacrae regni nostri Hungariae coronae praedicti constanter exhibuerunt. Volentesque eisdem cum huiusmodi meritorum suorum intuitu tumque ut eadem civitas nostra Coloswar praecincta et insignita fortitudine libertatis populorum multitudine magis ac magis in dies valeat decorari populique in eadem pro tempore commorantes ad quaeque nostra servitia promptiores reddantur, nostro regio favore subvenire, eisdem id gratiose duximus annuendum et concedendum, ut a modo in posterum universos et singulos cuiuscumque status et conditionis homines demptis dumtaxat nobilibus, in quacumque causa civili et criminali ad cuiusvis vel quorumcumque instantiam per quemcumque aut quoscumque in eorum praesentiam conventum vel conventos secundum legitima documenta probationum sufficientium experimenta iuxta morem ipsius civitatis Coloswar ipsimet liberam et omnimodam iudicandi habeant facultatem et nec eos aut [S. 17] eorum alterum quocumque temporis in processu aliquis vel aliqui propterea impediant seu impedire praesumant modo aliquali gratiae nostrae sub obtentu. Immo annuimus et concedimus harum nostrarum quibus secretum nostrum sigillum, quo ut rex Hungariae utimur, est appressum vigore et testimonio literarum mediante. Datum Budae octavo die festi sacratissimi corporis Christi, anno eiusdem millesimo quadringentesimo quinquagesimo octavo.

Auf der Rückseite von der Kanzlei: Regestrata M. Jo.

Auf der Rückseite von einer Hand des 15. Jahrhunderts: Indultum regis Mathiae, ut iudex quoscumque iudicare habet demptis nobilibus.

<fnzt>1) Bis hierher Grossbuchstaben in Zierschrift.</fnzt> <fnzt>2) So Vorlage. [2x]</fnzt>