Urkunde Nr. 3063 aus Band V

Seite im UB:

560-561

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 176.

Druckvorlage:

nach Original

Abdruck als:

Volltext

Sprache:

Latein

---

3063

Hermannstadt 1457 Februar 9 Der öffentliche Notar Urban Petri von Steinau bezeugt, dass der Rat von Hermannstadt in dem Streit der Gemeinde mit ihrem Pfarrer Antonius Berufung eingelegt und die Appellationsurkunde an die südliche Türe der Pfarrkirche angeschlagen hat und schaltet das Appellationsinstrument aus 1457 Nr. »3062 ein.

In¹⁾ nomine¹⁾ domini¹⁾ amen¹⁾. Anno nativitatis eiusdem millesimo quadringentesimo quinquagesimo septimo, indictione quinta, die vero Mercurii, nona mensis Februarii videlicet in die beatae Appoloniae virginis sub horis vesperorum ipsius diei, pontificatus sanctissimi in Christo patris et domini nostri domini Calisti divina providentia papae tertii anno eius secundo in mei notarii publici testiumque subscriptorum ad infrascripta vocatorum specialiter et rogatorum praesentia sub porticu parrochialis ecclesiae gloriosissimae virginis Mariae oppidi Cybiniensis Strigoniensis iurisdictionis versus plagam meridionalem personaliter constituti circumspecti viri Oswaldus magister civium, Petrus Moelner, Nicolaus Ruse, Johannes Zeglewer, Johannes Koerpener et Johannes Sartor iurati cives eiusdem Cybinii habentes prae manibus infrascriptam appellationis cedulam in papiro scriptam quam ad valvas ecclesiae iam dictae in loco praeallegato scilicet versus plagam meridionalem affigi fecerunt in qua appellaverunt, provocaverunt et alia quae in eadem continebantur fecerunt publice et manifeste, diversis eandem ecclesiam intrantibus, exeuntibus ipsamque appellationem videntibus et egregio viro domino Anthonio decretorum doctore plebano Cvbiniensi praesenti et perlegi facientibus eandem et copiam huiusmodi appellationis petente sibique dante et recipiente. Supplicantes tandem praelibati magister civium et iurati cives vice et nomine ipsorum et totius communitatis Cybinii praescripti mihi subscripto publico notario, quatenus eandem appellationem seu provocationem in publicam formam redigerem ipsique sic in publicam formam redactam sub instrumento publico signeto et nomine meis solitis et consuetis consignarem, traderem iurium ipsorum ad cautelam. Cuius tenor sequitur et est is: (Folgt die Appellationsurkunde von 1457 Nr. »3062). Ego vero subscriptus publicus notarius precibus praefatorum Oswaldi magistri civium et iuratorum civium nominibus et personis suis et totius communitatis opidi Cybiniensis praefati mihi factis fore iustis et ratione consonis inclinatus tenorem eiusdem appellationis ut supra in formam publicam redegi ipsisque magistro civium et iuratis civibus praesens ideo instrumentum appellationis pro ut postularunt tradidi et assignavi. Data et acta sunt haec anno, indictione, die, mense, hora, loco et pontificatu quibus supra. Praesentibus honorabilibus viris dominis Anthonio crucifero ordinis sancti spiritus domus hospitalis opidi Cybiniensis rectore, Petro Moelenbecher de Helta presbitero, eiusdem domini hospitalensi capellano, magistro Stephano de Schenk maiori scolae rectore in Cybinio, Anthonio Johannis cultellifabri de Cybinio, clerico in minoribus, locato scolae in Cybinio, et pluribus fidedignis presbiteris et literatis Strigoniensis iurisdictionis testibus ad praemissa vocatis et rogatis.

Notarzeichen.
Et ego Vrbanus Petri de Stynawia clericus Wratislaviensis dioce-[S. 561] sis publicus papali ac imperiali auctoritatibus notarius quia praescriptae appellationi, interpositioni, affictioni per egregium virum dominum Anthonium doctorem plebanum Cybiniensem personaliter copiam appellationis huiusmodi petentem, dacionem et recipientem protestationem et terminum prosequendum appellationis praefixioni aliisque omnibus et singulis praemissis dum sic ut praemittitur fierent et agerentur unacum praescriptis testibus praesens fui eaque omnia et singula sic fieri, vidi et audivi. Ideo praesens publicum instrumentum mea propria manu scriptum confeci, publicavi et in hac formam publicam redegi signoque et nomine meis solitis et consuetis roborando consignavi rogatus et requisitus in fidem et testimonium omnium praemissorum.

Auf der Rückseite von gleichzeitiger Hand: Appellatio in causa missarum contra²⁾ Anthonium qui²⁾ defalcare voluit in ecclesia seu omittere certas missas perpetuatas.


1) Verlängerte Schrift. [4x]^{^}
2) Hierauf andere Tinte. [2x]^{^}