Urkunde Nr. 2992 aus Band V

Seite im UB:

509

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 54.

Druckvorlage:

nach Original

Abdruck als:

Volltext

Sprache:

Latein

---

2992

Kronstadt 1455 November 8 Johannes von Hunyad weist dem Peter und Paulskloster der Dominikaner-Observanz in Kronstadt jährlich 10 Mark Silber aus dem Kronstädter Martinszins zu.

Nos Johannes de Hwnyad comes perpetuus Bistriciensis et cetera memoriae commendantes tenore praesentium significamus quibus expedit universis, quod nos considerantes et attentis inopiis et paupertatibus religiosorum virorum fratrum praedicatorum ordinis sancti Dominici de observantia nuncupatorum in claustro beatorum Petri et Pauli apostolorum in civitate Brassouiensi¹⁾ fundato residentium volentes etiam, ut ipsi fratres in dicto claustro degentes divino cultu adhaerentes pro vita, honore et salute serenissimi prineipis et domini domini Ladislai dei gratia Hungariae et cetera regis domini nostri gratiosissimi deum gloriosum et eius sanctos iugiter et indefesse ac ferventius exorent de censibus illis quos circumspecti viri cives, hospites ac inhabitatores ipsius civitatis Brassouiensis circa festum beati Martini episcopi annuatim fisco regio solvere debent, decem marcas argenti ad usum ipsorum fratrum praedicatorum et reformationem praefati claustri eisdem fratribus assignandas in persona praefati domini nostri regis Ladislai deputavimus a modo in posterum per praefatos cives et hospites perpetuis temporibus restituendas, super quibus quidem decem marcis argenti etiam a serenissimo domino nostro rege Ladislao et cetera consensum obtinere volumus pariter et assensum ita ut dictis fratribus perpetuis temporibus reddantur. Quocirca vobis circumspectis viris iudici, iuratis ceterisque civibus civitatis Brassouiensis, praesentibus scilicet et futuris, in persona praefato serenissimi domini nostri regis Ladislai firmiter et seriosecommittimus, quatenus visis praesentibus praescriptis fratribus sancti Dominici in claustro beatorum Petri et Pauli apostolorum residentibus de censibus, quos circa festum sancti Martini fisco regio solvere tenemini, decem marcas argenti singulis annis a data praesenttam dare et assignare debeatis et teneamini et aliud nullo modo facere praesumatis. Vobis autem universis dicatoribus censuum sancti Martini de civitate Brassouiensi provenire debentium per regiam maiestatem constitutis vel in futurum constituendis in persona eiusdem domini nostri regis firmiter et seriose committimus, quatenus census regalis circa festum besti Martini episcopi disco regio de civitate Brassouiensi provenire debentes demptis praescriptis decem marcis extorquere et per cives ac inhabitatores ipsius civitatis Brassouiensis exigere velitis²⁾ et²⁾ nec per ipsos cives et hospites de cetero ipsas decem marcas argenti extorquere debeatis. Et aliud in praemissis non facturi. Praesentes post lecturam reddi volumus praesentanti. Datum Brassouiae sabbato octavo scilicet die omnium sanctorum, anno domini millesimo quadringentesimo quinquagesimo quinto.


1) Brasso auf Rasur.^{^}
2) Auf Rasur. [2x]^{^}