Urkunde Nr. 2873 aus Band V

Seite im UB:

417-418 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 139.

Druckvorlage:

nach Original

Abdruck als:

Volltext

Sprache:

Latein

---

2873

Bistritz 1453 August 20 Der Oberkapitän Johannes von Hunyad bestätigt Adam, den Sohn Jakobs von Schirkanyen, in dem Besitz von Schirkanyen, das vorher an Johannes Moga und Choban vergabt worden war.

Nos Johannes de Hwnyad comes perpetuus Bistriciensis ac supremus capitaneus regiae maiestatis in regno Hungariae constitutus et cetera memoriae commendamus tenore praesentium significantes quibus expedit universis, quod licet nos possessionem Sarkan vocatam Johanni Moga et Choban contulerimus, tamen ex veridica relatione ipsius provinciae necnon universorum civium ac populorum et iobagionum dictae possessionis Sarkan et aliorum nonnullorum proborum virorum edocti sumus, quod ipsa possesio Sarkan vocata neminem alterum nisi Adam filium quondam Jacobi filii Laurencii de dicta Sarkan hereditate concerneret, et a dicto quondam Jacobo patre ipsius ad ipsum condescensa esset. Pro eo nos his omnibus perceptis tumque etiam considerantes nonnullas fidelitates et fidelium servitiorum merita praefati Adam filii quondam Jacobi, per ipsum sacrae huius regni Hungariae coronae tandemque nobis locis debitis et temporibus opportunis exhibitas et impensas eandem possessionem Sarkan vocatam simul cum cunctis eiusdem utilitatibus et pertinentiis quibuslibet sub universis eisdem libertatibus et libertatum praerogativis, sub quibus eadem possessione per praefatum quondam Jacobum filium Laurencii ceterosque progenitores dicti Adam tenuisse et possedisse prohibetur eidem Adam suisque heredibus et posteritatibus universis e converso in persona regiae maiestatis dedimus, donavimus et contulimus immo damus, donamus et conferimus iure perpetuo et irrevocabiliter tenendam, possidendam pariter et habendam, salvo iure alieno. Harum nostrarum vigore et testimonio literarum mediante. Datum in Bistricia in festo beati regis Stephani, anno domini millesimo quadringentesimo¹⁾ quinquagesimo¹⁾ quinto²⁾.

Von der Kanzlei: Commissio propria domini comitis Bistriciensis.

Auf der Rückseite von gleichzeitiger Hand: Auf Scharkan.


a) Seitenumbruch nach der Literaturangabe, vor den Bemerkungen.^{^}

1) Mit voller Tinte nachgezogen. [2x]^{^}
2) Auf Rasur, und zwar ist auch das q in die Rasur einbezogen. Nach dem Itinerar Hunyadis dürfte dort tertio gestanden haben.^{^}