Urkunde Nr. 2867 aus Band V

Seite im UB:

412-414

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden A Nr. 2.

Druckvorlage:

nach Original

Abdruck als:

Volltext

Sprache:

Latein

---

2867

Bistritz 1453 Juli 22 Johannes von Hunyad beurkundet Rechte und Pflichten der Bewohner von Bistritz.

Nos Johannes de Hwnyad pridem regni Hungariae gubernator nunc vero perpetuus comes Bistriciensis ac supremus capitaneus regiae maiestatis in regno Hungariae constitutus ad sempiternam rei memoriam tenore praesentium volumus pervenire, quod postquam nos divina favente clementia dominium comitatus et civitatis nostrae Bistriciensis adepti sumus, mox dignam et gratissimam meditationem praecipue in eo habuimus, ut idem divitiis opulenta sic non minus numero et multitudine civium, hospitum popularumque et inhabitatorum augeretur atque multiplicaretur in omnibus successibus felicem et votivum susciperet incrementum pariter et augmentum. Supplicationibus igitur fidelium nostrorum dilectorum iudicis, iuratorum ceterorumque civium et hospitum dictae civitatis nostrae Bistriciensis ac pertinentiarum eiusdem, in ipsorum ac totius communitatis eiusdem civitatis nostrae et suarum pertinentiarum nominibus et personis nobis propterea porrectis favorabiliter inclinati, eidem civitate nostrae Bistriciensi et suis pertinentiis¹⁾ sana et matura deliberatione nostra praehabita infrascriptam perpetuam libertatem duximus dandam, donandam et conferendam. Primo quod dictam civitatem nostram cum suis pertinentiis, quae semper libera civitas fuit , in omnibus libertatibus et gratiarum praerogativis, quibus ipsi temporibus divorum regum Hungariae usque modo usi, freti et gravisi fuerunt, sine aliqua divisione et sequestratione tenebimus, fovebimus et conservabimus, annuentes eisdem, ut ipsi seu eorum posteritates pro factis et rebus necessario incumbentibus et successivis temporibus expedire debentibus, quae tamen libero comitatui nostro et iurisdictionibus nostris non praeiudicant, in colloquium, tractatus et congregationes septem sedium Saxonicalium et nobilium partium Transsiluanarum ire et accedere valeant atque possint, causasque ipsorum aut alterum eorundem pro tempore emergendas interrogationi septem sedium Saxonicalium, prout antiqua laudabilis consuetudo eorum hactenus observata fuit, conducere habeant facultatem. Praeterea eosdem sub eisdem sigillo et signete, vexilli seu banderii, quibus ab olim per divos reges sunt condonati, roboramus et confirmamus. Et quod quaelibet domus seu curia singulis annis pro censu nobis circa festum beati Martini confessoris tam in ipsa civitate nostra Bistriciensi quam in dictis suis pertinentiis duos lotones argenti, inquilini quilibet unum lotonem argenti a decem iugeribus terrae arabilis in territorio eiusdem civitatis nostrae existentibus, quilibet civitatensis seu villanus eandem terram possidens unum lotonum argenti, villam vero per se a servitio aratra vocato, a tribus aratris unam marcam argenti. A quolibet molendino autem, cuius rota subtus volvitur, mediam marcam argenti a molendino au-[S. 413] tem cuius rota superius volvitur quatuor lotones argenti, sicuti temporibus quondam domini Sigismundi imperatoris regis et aliorum divorum regum²⁾ Hungariae consuetudo laudabilis extiterat, nobis et haeredibus nostris solvere teneantur et ipsa civitas nostra simul cum suis pertinentiis in ipsa solutione remaneant nos neque successores nostri huiusmodi maiorare nec augmentare spopondimus modo aliquali et sine omni immutatione. Dum autem necessariae expensae pro diversis factis eiusdem civitatis nostrae et suarum pertinentiarum expeditione de medio ipsorum dictae civitatis et suarum pertinentiarum recolligantur, hoc modo videlicet, quod quindecim villae superiores ad dictam civitatem nostram pertinentes duas partes florenorum seu denariorum persolvant, inferiores vero villae videlicet undecim quartam partem ipsaque civitas nostra Bistriciensis quartam partem florenorum sive denariorum modo simili persolvere teneantur, quem admodum antiqua laudabilis consuetudo hactenus fuit observata. Item ipsa civitas nostra simul cum suis pertinentiis sexaginta nobis marcas argenti singulis annis, videlicet provinciae superiores circa festum nativitatis beati Johannis baptistae triginta quinque marcas ac quatuor lotones argenti, ipsi vero inferiores provinciae circa festum beati Martini confessoris viginti quatuor marcas et tres fertones argenti pro censu eorum, quem ipsi alias comitibus Siculorum dedissent dare teneantur, ut extitit temporibus comitum Siculorum observatum. Exercituationis autem tempore ipsa civitas nostra simul cum suis pertinentiis cum tantis personis et numero, quod et quantis tempore dicti quondam domini Sigismundi imperatoris et regis exercituaverunt cum eorum banderio exercituare teneantur. Insuper etiam nullus officialis seu iudex Hungarus in sede iudiciaria tam dictae civitatis nostrae quam villarum ad eam pertinentium ultra alias consuetum habeat potestatem accedendi aut ad faciendum expensas quascumque velut³⁾ ab antiquo fuit observatum. Castellani etiam in castro nostro Bistriciensi constituendi praesentes et futuri nullam potestatem super dictam civitatem nostram et pertinentias suas habeant, nec ipsos seu eorum alterum ad aliqua servitia cogere, artare et compellere⁴⁾<fnz>possint quoquomodo, neque ipsi castellani nostri in silvis, pratis, fenetis, vineis, libris, mensuris et ulnis veluti ab antiquo observatum est, quidquam habeant vigoris potestatem nec ulteriores labores castri nostri et eiusmodi similia onera ipsi civitati nostrae et suis pertinentiis imponemus. Tributum vero in possessione nostra Rodna exigi solitum, prout tempore annotati domini Sigismundi imperatoris et regis usque ad tempora quondam domini Alberti regis exactum fuit , ab eisdem civibus et inhabitatoribus dictae nostrae civitatis Bistriciensis et suarum pertinentiarum ita et eodem modo exigi, recipere et extorquere faciemus. Insuper ex nostra liberalitate annuimus et concedimus praefatis iudici, iuratis ceterisque civibus et toti communitati dictae civitatis nostrae Bistriciensis, ut ipsi ac eorundem successores universi plebaniam parochialis ecclesiae sancti Nicolai confessoris in eadem civitate nostra Bistriciensi contractae, dum et quando eadem legitime vacaverit, idoneis et bene meritis personis quibus maluerint perpetuis universis futuris temporibus conferendi habeant facultatem. Quas quidem supradictas libertates, indulta et concessiones nos Johannes de Hwnyad comes et cetera praefatus nostro ac haeredum et successorum nostrorum nominibus et personis annotatae civitati nostrae Bistriciensi et suis pertinentiis quemadmodum temporibus divorum regum Hungariae praefuerunt, cum declarationibus et conditionibus supradictis dedimus, donavimus et contulimus immo damus, donamus et conferimus iure perpetuo et irrevocabiliter utendas, fruendas et habendas, ipsosque iudicem, iuratos, ceterosque cives et hospites antefatae civitatis nostrae Bistriciensis et suarum pertinentiarum in praemissis omnibus libertatibus, legibus, consuetudinibus, indultis et concessionibus ac gratiarum praerogativis, in perpetuum tenebimus [S. 414] et conservabimus, tenereque et conservare promittimus inviolabiliter et inconcusse. In cuius rei memoriam firmitatemque perpetuam praesentes literas nostras sigillo nostro impendenti communitas dictae civitati nostrae Bistriciensi et suis pertinentiis duximus concedendas. Datum in praefata civitate nostra Bistriciensi in festo beatae Mariae Magdalenae, anno domini millesimo quadringentesimo quinquagesimo tertio.

Auf der Plica von der Kanzlei: Lecta Sary.

<fnzt>1) Vorlage suarum pertinen. [Abkürzungsstrich über Wortende]</fnzt> <fnzt>2) Vorlage aliis divis regibus.</fnzt> <fnzt>3) Vorlage velud; 1457 und 1461 velut. </fnzt> <fnzt>4) Vorlage copellere; 1457 und 1461 compellere.</fnzt>