Urkunde Nr. 2710 aus Band V

Seite im UB:

301-302

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2710

1450 Juni 9 Das Weissenburger Kapitel schaltet die Urkunde des Kronstädter Rates von 1449 Nr. »2690 ein, die Hattertgrenzen der Gemeinde Tartlau betreffend. [S. 302]

Capitulum ecclesiae Transsilvanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod honorabilis¹⁾ et discretus¹⁾ ac nobilis¹⁾ viri Lucas plebanus de Prasmar ac Nicolaus Toscha de eadem ad nostram personaliter venientes praesentiam exhibuerunt nobis quasdam literas privilegiales sub sigillo pendenti civium civitatis Brassouiensis munitas et confectas tenoris infrascripti petentes nos debita cum instantia ut easdem ad uberiorem cautelam et iuris ipsorum conservationem de verbo ad verbum transscribi et in formam nostri privilegii redigi facere ipsisque dare et concedere dignaremur. Quarum tenor talis est. (Folgt die Urkunde des Kronstädter Rates von 1449 Nr. »2690). Nos enim petitionibus eorundem iustis et legitimis annuentes tenorem praescriptarum literarum praedictorum civium Brassouiensium integritate pollentium de verbo ad verbum transscribi ac praesentibus inseri pendentisque sigilii nostri munimine roborari facientes eisdem duximus concedendo praemissam ad cautelam. Datum feria tertia proxima ante festum beati Barnabae apostoli, anno domini millesimo quadringentesimo quinquagesimo. Honorabilibus et discretis viris dominis Andrea praeposito, Anthonio cantore absente, Michaele custode, Emerico decano ceterisque canonicis dictae ecclesiae nostrae salubriter existentibus et devote.


1) So Vorlagen. [3x]^{^}