Urkunde Nr. 2691 aus Band V

Seite im UB:

288-289

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2691

Kronstadt 1449 Dezember 13 Der öffentliche Notar Nikolaus Thoscha von Tartlau beglaubigt die Urkunde des Kronstädter Rates von 1449 Nr. »2690 über die Hattertgrenzen der Gemeinde Tartlau.

In nomine domini amen. Per hoc praesens publicum instrumentum cunctis pateat evidenter et sit notum, quod anno salutiferae nativitatis eiusdem millesimo quadringentesimo quadragesimo nono, indictione¹⁾ duodecima, die vero Saturni, quae fuit tredecima mensis Decembris²⁾ hora meridiei vel quasi in stuba dotis opidi Brascho Strigoniensis iurisdictionis ac sanctissimi in Christo patris domini domini Nicolai divina providentia papae quinti, anno coronationis eius tertio, in mei notarii publici subscripti et testium infrascriptorum praesentia providus ac circumscriptus vir Martinus Stvempel dictus iudex ac ceteri iurati seniores opidi Prasmar per modum protestationis suarum significationum monstrarunt producentes certas literas patentes in pergameno sanas et integras, illesas non vitiatas non cancellatas neque in aliqua sui parte suspectas, sed omni prorsus vitio et suspitionis forma carentes, sigillatas ut apparebat sigillo autentico rotundo citrini cera ab intro forma coronae, cuius circumscriptio fuit talis: s. civium de Corona, sona vero illius alba rubeoque pilo inserta. Quarum quidem literarum initium tenoris et munimenti de verbo ad verbum sequitur per ordinem et est talis. (Folgt die Urkunde des Kronstädter Rates von 1449 Nr. »2690). Sed quia ut earundem literarum sic translatarum et transsumptarum tenor virtutem originalis teneatur cum propter inadvertentiam nuntiorum corruptionem sigilii convolutionem literarum eiusdem cum apud tales literas crebrius eventus reperiuntur varii et ut potissime contenta in eis tali translatione et transsumptione literarum earundem in iudicio vel extra et omni loco ubi fuerit necessarium firmiter teneantur fidem super quibus omnibus et singulis praelibatis annotati Martinus Stvempel iudex et iurati seniores opidi praedicti Prasmar petierunt et requivierunt mei notarium publicum infrascriptum tamquam autenticum et publicam personam, quatenus unum seu plura publicum instrumentum seu instrumenta conficerem et dare et concedere ipsis deberem sui iuris uberiorem ob cautelam. Quod et feci officio meo id exigente et requirente salvo nihilominus addendi, minuendi, mutandi, corrigendi, prout iura admittunt et requirunt . Acta sunt haec et facta anno, indictione, die, mense, hora, loco et pontificatu quibus supra praesentibus ibidem honorabilibus et providis viris egregio domino Georgio decano Braschouiensi licentiato in decretis et plebano in monte Petri venerabili viro magistro Johanne Rvedel plebano de Corona, honorabili viro domino Anthonio olim decano Braschouiensi et plebano de monte Mellis, domino Petro plebano de Wydenbach, villico de Botfalua, Andree Hvnne Jacob clericis et laicis Strigoniensis diocesis testibus fide dignis et aliis quam pluribus ad praemissa audienda et videnda vocatis pariter et rogatis protestor de superflua dictione et tredecima linea posita scilicet praefatus.

Notarzeichen. Et ego Nicolaus Thoscha de Prasmar diocesis Strigoniensis clericus sacra imperiali auctoritate notarius publicus quia praedictis requisitioni, transsumptioni, protestationi aliisque omnibus et singulis dum sic ut praemittitur fierent et agerentur una cum praenominatis testibus praesens interfui eaque omnia et singula sic fiere vidi et audivi, ideo hoc praesens publicum instrumen- [S. 289] tum fideliter scriptum exinde manu mea propria confeci, notavi, publicavi et in hanc publicam formam redegi signoque et nomine meis solitis et consuetis consignando rogatus et requisitus in fidem et testimonium omnium et singulorum praemissorum.


1) Vorlage indicione. ^{^}
2) Vorlage Januarii. Da die eingeschaltete Urkunde 1449 Dezember 9 datiert ist, kann diese Beglaubigungsurkunde frühestens im Dezember d.J. aufgesetzt sein. Zu Dezember 13 stimmen aber auch die Tagesangabe und alle übrigen Datierungselemente überein.^{^}