Urkunde Nr. 2688 aus Band V

Seite im UB:

282-284

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2688

1449 November 12 Das Weissenburger Kapitel beurkundet die schiedsrichterliche Entscheidung in dem Hattertstreit zwischen Johannes Gereb von Weingartskirchen und Verwandten und den Bewohnern von Grossau um einen Gebietsstreifen zwischen dieser Gemeinde und Orlat und bezeugt, dass beide Parteien in die ihnen zugesprochenen Hattertteile eingeführt worden sind.

Capitulum ecclesiae Transsiluanae omnibus Christi fidelibus praesentibus pariter et futuris praesentium notitiam habituris salutem in salutis largitore. Ad universorum praesentium et futurorum notitiam harum serie volumus pervenire, quod egregius Johannes filius Johannis Gereb de Wyngarth suo ac Stephani, Petri et Ladislai filiorum suorum item Johannis et Nicolai filiorum quondam [S. 283] Nicolai similiter Gereb patruelium, necnon nobilium dominarum Anna consortis Jacobi filii Alard de Megyesfalua filiae quondam Jacobi filii Stephani de Dyogh et Elena vocatarum filiae Nicolai filii Apa de Almakerek consortis vero Petri de Thorozko ac ceterorum fratrum et sororum condivisionalium ipsius Johannis Gereb quibus interest vel intererit nominibus et in personis si in infrascriptis persistere nollent onera et quaelibet gravamina earundem super se assumendo ab una, parte vero ab altera Nicolaus filius quondam Michaelis Wezewder villicus ac Blasius Gereb et Caspar Levdorff iurati seniores villae regalis Kerestyenzygeth vocatae in eorum ac universorum seniorum Saxonum incolarum et totius communitatis eiusdem villae nominibus et in personis personaliter nostri constituti in praesentiam fassi sunt et confessi eomodo, quod licet dudum inter ipsos ratione quarundam terrarum et silvarum lis et controversionis materia mota fuerit et exorta et longo tempore ventilata. Tamen ex dispositione et interventu amicabili quam plurimorum et nobilium virorum pacem partium zelontium ut ipsae¹⁾ ambae partes et eorum posteri in pacis tranquillitatem possint permanere praedictam litis materiam et controversias ad talem pacis deduxerunt unionem, quod annotatus Johannes Gereb suo ac filiorum et fratrum suorum necnon praefati Jacobus filius Alard et Petrus de Thorozko nominibus praefatarum consortum ipsorum coram Martino de Galthw vaivodali et honorabili domino Demetrio archidiacono de Wgucha nostro hominibus iuxta literatoriam requisitionem egregiorum Marci de Herepe ac Michaelis de Dormahaza vicevaivodarum Transsiluaniae ad id deputatis in facie possessionis eorum Waralya vocatae egregium et nobiles viros Nicolaum de Wyzakna vicegubernatorem dictarum partium Transsiluanarum ac Sandrinum de Zenthmarthon, Jacobum de Chezthwe, Albertum Boltha de Gald ac magistrum Nicolaum prothonotarium partium Transsiluanarum praedictarum nomine ipsorum honorabilis vero vir Michael, plebanus de praenotata Kerestyenzygethe decanus sedis Cybiniensis, ac dictus Nicolaus villicus, Johannes Hengst, Servacius Konrath, Andreas Weden, Johannes Twren, Michael Meeth, Johannes Rwth , Nicolaus Bogner, Nicolaus Rwth iurati ac ceteri seniores et tota communitas praefatae villae regalis Kerestyenzygethe similiter in facie praefatae possessionis Waralya constituti eorum nominibus nobiles et honestos viros Jacobum magistrum civium civitatis Cybiniensis, comites Laurencium de Weresmarth sedis Rewsmark ac Johannem Zaz de Zenthjanushege sedis Zazsebes, Johannem de Maryandal sedis Senk iudices regios et Stephanum Lvesch magistrum civium civitatis Segeswar in eorum arbitros sic elegerunt²⁾. Quod quitquid idem arbitri inter partes praedictas in facto praefatarum terrarum et silvarum contentiosarum disponerent et arbitrarentur id ambae partes sub poenis infrascriptis observare tenerentur quiquidem arbitri ambabus partibus praescriptis a se remotis et repulsis praelibatam terram litigiosam coram annotatis vaivodali et nostro hominibus uti ex eorundem relationibus per eos coram nobis concorditer factis intelleximus divisissent et sequestrassent ac metas erexissent ordine infrascripto. Quod prima meta inciperet in monte prope magnam viam, quae a praedicta villa Kerestyenzygethe transiret versus possessionem Ffekethewyz ubi reperissent tres metas antiquas separantes territoria villarum Kerestyenzygethe, Ffekethewyz et Waralya praefatarum et deinde ascendendo ad verticem montis Kakasfeye alias Hanenkap vocatum et modicum versus orientem in descensu eiusdem montis declinando, ubi duas metas erexissent, et ab hinc per eandem plagam per dorsum montis directe descendendo in medio descensus eiusdem montis unam metam erexissent; abinde vero in descensu eiusdem montis inter terras arabiles duas metas erexissent abhinc directe versus fluvium Zybyn transeundo in margine salicum unam metam erexissent; abinde directe per fluvium Zybyn eundo inter nemora Egres in circuitu cuiusdam arboris Egerfa vocatae unam metam erexissent et dehinc per eadem nemora semper per eandem plagam transeundo ultra viam quae tran-[S. 284] sit a Kerestyenzygethe ad Waralya praedictam duas metas erexissent, abinde versus meridiem declinando in margine terrarum arabilium unam metam erexissent et abhinc directe ad eandem plagam eundo inter easdem terras arabiles unam metam erexissent et abinde per ipsas terras arabiles eundo prope aliud nemus Egres duas metas erexissent; abhinc versus eandem plagam, per idem nemus transeundo in margine eiusdem inter terras arabiles unam metam erexissent; abinde easdem terras arabiles versus eandem plagam pertranseundo in fine earundem terrarum prope quandam viam, quae transit ad vadum Iwanrywe, a parte occidentali circa aliud nemus Egres duas metas erexissent; abinde per eandem viam versus eandem plagam per fluvium Zybyn per idem vadum Iwanrywe pertranseundo ex utraque parte eiusdem viae in circuitu duarum arborum Egerfa duas metas erexissent et abinde transeundo ad finem cuiusdam fossati Pokolarok alias Buzgraben vocati per medium eiusdem inter meridiem et occidentem ascendendo in capite ipsius fossati duas metas erexissent et abinde versus plagam occidentalem similiter ascendendo ubi apparet locus lapidosus et inibi similiter duas metas erexissent; abhinc vero versus eandem plagam occidentalem ad verticem montis Vyhegye alias Newberg ascendendo et ad rivulum Forombach descendendo ubi ipsae metae finiuntur, alpes autem et montes ambae partes uti debeant sicuti ab antique usi fuerunt;, cursum autem et meatum aquae Cybinii in eodem statu uti ab antiquo tempore quo memoria hominum contrarium non comprehenderet penes et subtus praescriptam villam Waralya habuit fluere imperpetuum relinquendo. Quibus quidem metis sic ut praemittitur consignatis, erectis et elevatis praedicti arbitri coram praenarratis vaivodali et nostro hominibus ac coram comitibus Jacobo et Petro de Rufomonte, Johanne Cravsbogmer villico, Laurencio Twrold, Petro Czaap, Johanne Sartore iuratis et Caspare de Longocampo civibus civitatis Cybiniensis praedictae, comite Johanne de Weyzkyrch sedis de Koos, Vrbano iudice provinciali et Johanne Helthner villico de Revsmark, Oswaldo Barth villico ac Nicolao Menfarth iurato seniori de Heltha, Mathya Erfan villico de Kyschevr et Nicolao Fabro iurato cive de Segeswar ceterisque conprovincialibus septem sedium Saxonicalium ad id specialiter vocatis et praesentibus praedictas partes quamlibet seorsum et de perse in dominium praescriptaruin particularum terrarum et silvarum unicuique parti cedendam introduxissent easdemque eisdem et ipsorum heredibus et posteritatibus universis iure perpetuo et irrevocabiliter possidendum, tenendum pariter et habendum statuissent tali obligaminis vinculo interposito, quod si qua partium praedictarum praemissa aut quaevis praemissorum singula intra vel extra iudicium infringere aut praescriptas metarum erectiones et elevationes in toto vel in parte retractare aut eisdem aliquo quaesito colore contraire attemptaverit, extunc talis pars contra partem alteram absque strepitu cuiuslibet iudicii in ducentis et iudici in quinquaginta marcis argenti ponderis Budensis convinceretur et convinci deberet eo facto si vero aliqua partium praedictarum quascumque literas et literalia instrumenta super facto praelibatarum terrarum et silvarum litigiosarum temporibus iam evolutis et transactis pro se emanata haberent et ad suas manus devenirent huiusmodi literae et literalia instrumenta cassae sint et annulata nulliusque vigoris sint et roboris, ad quae praemissa omnia praedictae partes se sponte obligarunt coram nobis. In cuius rei testimonium praesentes literas nostras privilegiales duximus concedendas. Datum secundo die festi beati Martini confessoris, anno domini millesimo quadringentesimo quadragesimo nono. Honorabilibus et discretis viris dominis Andrea praeposito, Anthonio cantore absente, Michaele custode, Emrico decano ceterisque canonicis dictae ecclesiae nostrae salubriter existentibus et devote. [S. 285]


1) Vorlage ipsi.^{^}
2) Vorlage eligerunt. ^{^}