Urkunde Nr. 2432 aus Band V

Seite im UB:

94-96

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2432

Ofen 1442 Februar 21 Der Palatin Laurentius Hedérvári schallet die Urkunde König Wladislaws I. von 1441 Nr. »2421 ein, und beauftragt die beiden siebenbürgischen Woiwoden Ujlaki und Hunyadi, die Sachsen von Mettersdorf und Treppen im Besitz der Prädien Fatha, Chege und Bachna zu schützen, da die darauf Anspruch erhebenden Adligen zur Verhandlung nicht erschienen seien.

Nos Laurencius de Hedrehwara regni Hungariae palatinus et iudex Comanorum memoriae commendantes tenore praesentium significamus quibus expedit universis quod Andreas Threczmer¹⁾, Johannes Sartur et Andreas Farkas pro universis Saxonibus in possessionibus Demethery et Therpen vocatis commorantibus cum procuratoriis literiis eorundem iuxta continentiam literarum Ladislai de Bwzla et Pongracy²⁾ de Dengelek vicevaivodarum Transsiluanesium transmissionalium in octavis festi beati Michaelis archangheli³⁾ in figura nostri iudicii⁴⁾ comparentes contra nobiles dictarum partium Transsiluanarum quas- [S. 95] dam literas domini nostri regis praeceptorias nobis praesentarunt habentes hunc tenorem: (Folgt die Urkunde König Wladislaws I. von 1441 Nr. »2421). Quibus exhibitis ac Michaele filio Gerew pro praenotatis nobilibus partium Transsiluanarum cum procuratoriis literis conventus de Colosmonstra coram nobis exurgente quia procuratores dictarum partium easdem in praemissis ad arbitrativam dispositionem per nos transmitti postularunt ideo de ipsarum partium voluntate discussionem ipsius causae ad octavas festi epiphaniarum domini tunc venturas⁵⁾ prorogaramus eo modo ut quidquid duodecim probi et nobiles viri per partes equali numero eligendi octavo die festi purificationis beatae Mariae virginis tunc affuturi⁶⁾ in civitate Coloswar⁷⁾ auditis ambarum partium propositionibus virisque et examinatis literalibus ipsarum instrumentis causis in praemissis facerent, ordinarent et arbitrarentur hoc ambae partes acceptare et firmiter observare tenerentur. Si vero ipsi probi et nobiles viri causas praedictas inter ipsas partes reformare nequirent extunc eaedem partes cum universis literalibus ipsarum instrumentis causas praedictas concernentibus in dictis octavis festi epiphaniarum domini contra sese comparare deberent et tenerentur coram nobis causis in eisdem finem debitum et indilatum recepturi; tandem ipsis octavis festi epiphaniarum domini instantibus praefati Johannes Sartor et uterque Andreas pro praedictis Saxonibus cum procuratoriis literis eorundem nostram venientes in praesentiam literas praetacti Pongracii²⁾ vaivodae praescriptam causam per iamdictos duodecim probos et nobiles viros minime reformatam, sed eandem viceversa pro habendo in praemisso iudicio nostram in praesentiam remissam fore denotantes nobis praesentarunt, quibus praesentatis praedictisque nobilibus partium Transsiluanarum octavas ad easdem non venientibus nec mittentibus sed se in praemisso in iudiciis agravari permittentibus adhuc praefati procuratores dictorum Saxonum nonnulas literas causales praeceptorias et adiudicatorias condam dominorum Sigismundi regis ac Stiborii⁸⁾ et Nicolai senioris de Chaak vaivodarum Transsiluanarum in diversis terminis et annis emanatas, quarum scilicet seriebus praetacti Saxones in dominium iamdictorum prediorum iudicialiter et per modum iuridicum remansissent coram nobis producendo eisdem Saxonibus ex parte praedictorum nobilium Transsiluanorum per nos in praemissis iuris medelam iusticiaeque complementum postularunt elargiri. Unde quia praedictus dominus noster rex id praedictis partibus ut eaedem in praedictis octavis festi beati Michaelis archangeli proxime praeteritis³⁾ cum omnibus literalibus earum instrumentis factum praedictorum prediorum tangentibus coram nobis comparare deberent causa in praemissa finalem conclusionem recepturi, interim autem praedicti Saxones in dominium antelatorum praediorum permanerent seriebus praedictarum literarum suarum exinde confectarum commisisse, et tandem eaedem partes in dictis octavis festi beati Michaelis archangeli se ad arbitrativam dispositionem antedictam taliter submisisse ut si praedicti probi et nobiles viri causam eandem reformare non possent extunc ipsae scilicet partes cum omnibus literalibus ipsarum instrumentis factum supradictorum praediorum concernentibus in iamdictis octavis festi epiphaniarum domini coram nobis comparare tenerentur causa in praemissa finem debitum et indilatum recepturi. Quiquidem nobiles partium Transsiluanarum ad praedictas octavas festi epiphaniarum domini per praetactos procuratores praenominatorum Saxonum congruis diebus ipsarum octavarum coram nobis expectati nostram in praesentiam venire vel mittere recusarunt praescriptum mandatum regale eorumque proprium obligamen penitus transgrediendo et ob hoc praelibati Saxones in dominio praedictorum prediorum Fatha, Chege et Bachna vocatorum remanere debere cernebantur. Qoucirca vobis praedictis magnificis Nicolao de Wylak ac Johanni de Hwnyad vaivodis in dictis partibus Transsiluanis nunc constitutis et in futurum constituendis eorumque [S. 96] vicevaivodis et comitibus Siculorum similiter nunc constitutis et in futurum constituendis ad vices eorum in iudicatu gerentibus auctoritate et in persona praedicti domini nostri regis nobis in hac parte attributa mediante, committimus per praesentes, quatenus iamdictos Saxones in dominium sepefactorum praediorum Fatha, Chege et Bachna vocatorum contra et adversus praefatos nobiles partium Transsiluanarum conservare et tueri debeatis et debeant effective. Si vero iidem nobiles in facto dictorum praediorum ius habere praetendunt id ulterius per modum iuridicum prosequantur iuris ordine observato. Praesentes autem post earum lecturam reddi volumus exhibenti. Datum Budae praedicta quadragesima die octavarum festi epiphaniarum domini praedictarum, anno eiusdem millesimo quadringentesimo quadragesimo secundo.


1) Hierauf et getilgt. In der Einschaltung von 1446 Chreczmer. ^{^}
2) 1446 Pangracii. [2x]^{^}
3) Oktober 6. [2x]^{^}
4) Vorlage iudici.^{^}
5) Januar 13.^{^}
6) Februar 9.^{^}
(7) 1446 Coluswar. ^{^}
8) 1446 Stiborcii. ^{^}