Urkunde Nr. 2421 aus Band V

Seite im UB:

86-87

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2421

Ofen 1441 Juni 16 König Wladislaw I. trägt den siebenbürgischen Woiwoden Nikolaus von Ujlak und Johannes von Hunyad auf, sich in die Streitsache zwischen den Sachsen von Mettersdorf und Treppen und einigen Adligen um die Prädien Fatha, Chege und Bachna nicht einzumischen, sondern die Angelegenheit der königlichen Kurie zu überweisen und die Sachsen vorläufig im Besitz der Prädien zu schützen.

Vladislaus dei gratia Hungariae, Poloniae, Dalmaciae, Croaciae et cetera rex Lithwaniaeque princeps supremus et heres Russiae fidelibus nostris magnificis Nicolao de Wylak et Johanni de Hwnyad inter cetera vaivodis nostris Transsiluanensibus et comitibus Siculorum nostrorum vel ipsorum vicevaivodis salutem et gratiam. In personis universorum Saxonum nostrorum in possessionibus nostris Demeter et Therpen vocatis commorantium nobis exponitur gravi cum querela, quod licet nos pridem serie aliarum literarum nostrarum vobis in eo mandaverimus ut vos quandam causam inter ipsos ab una ac quosdam nobiles partium praedictarum parte ab alia in facto quorundam praediorum Fatha, Chege et Bachna vocatorum vertentem adiudicare et vos de eadem intromittere nullo modo deberetis. Tamen nunc vos uti nobis dicitur huiusmodi nostris mandatis parvipensis et pro nihilo reputatis favore praefatorum nobi- [S. 87] lium allecti ipsam causam contra praescripta nostra mandata adiudicare et terminare nitteremini et velletis in eorundem Saxonum nostrorum praeiudicium vilipendiumque praedictorum mandatorum nostrorum manifesto. Et quia nos praescriptam causam in curia nostra regia per magnificum Laurencium de Hedrehwara¹⁾ palatinum praedicti regni nostri Hungariae revideri, examinari et fine debito terminari facere volumus. Ideo fidelitati vestrae viceterata firmissime praecipimus et aliter habere nolentes mandamus, quatenus alio nostro mandato superinde nequaquam expectato praedictam causam in facto memoratorum praediorum partes inter praenotatas vertentem nusquam et nequaquam adiudicare et vos de eadem intromittere praesumatis, quoniam²⁾ immo comittatis partibus praedictis ut ipse simulcum omnibus literis et literalibus instrumentis factum praedictorum praediorum concernentibus in praesentia magnifici Laurenci de Hedrehwara¹⁾ praedicti regni nostri Hungariae palatini cui praemissam causam modo praetacto adiudicare et fine debito terminare commisimus in octavis festi beati Michaelis archangeli proxime venturi³⁾ comparere iudicium et finalem conclusionem causa in praemissa recipere debeant et teneantur. Volumus denique ut vos medio tempore praedictos Saxones nostros in dominio praedictorum praediorum contra praefatos nobiles et alios quoslibet illegitimos impetitores tenere et conservare debeatis nostrae maiestatis in persona et auctoritate vobis praesentibus attributa iustitiaque mediante. Et aliud prout gravissimam nostrae serenitatis indignationem incurrere pertimescitis facere non ausuri in praemissis. Et hoc idem iniungimus futuris nostris vaivodis et comitibus Siculorum nostrorum praedictarum partium vel ipsorum vicesgerentibus firmiter observandum. Praesentibus perlectis exhibenti restitutis. Datum Budae feria sexta proxima post festum beati Barnabe apostoli, anno domini millesimo quadringentesimo quadragesimo primo.


1) 1446 Hederhwara.[2x] ^{^}
2) 1446 qm.^{^}
3) Oktober 6.^{^}