Urkunde Nr. 2406 aus Band V

Seite im UB:

76-77

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 102.

Druckvorlage:

nach Original

Abdruck als:

Volltext

Sprache:

Latein

---

2406

Im Feldlager bei der Burg Kemend 1441 März 11 König Wladislaw I. verbietet allen Zollinhabern des ungarischen Reiches, die Kaufleute der Sieben Stühle zu [S. 76] belästigen und ordnet an, dass von diesen Kaufleuten gemäss dem Privileg König Sigmunds keinerlei Zölle eingehoben werden dürfen.

Von der Kanzlei: Ad contenta literarum quondam domini Sigismundi regis¹⁾.

Wladislaus dei gratia Hungariae, Poloniae, Dalmaciae, Croaciae et cetera rex, Lithwaniae princeps supremus, heres Russiae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus, item civitatibus, opidis et villis ipsarumque rectoribus, iudicibus et villicis nec non tributariis et vicetributariis nostris scilicet regalibus et aliorum quorumcumque praesentium notitiam habituris salutem et gratiam. Pro parte et in personis fidelium nostrorum dilectorum magistrorum civium iudicumque et iuratorum civium ac mercatorum et ceterorum Saxonum inhabitatorum civitatum, opidorum et villarum septem sedium Saxonicalium partium nostrarum Transsiluanarum nobis exponitur gravi cum querela, quod cum aliqui ex ipsis pro victuum suorum necessaria acquisitione ac aliis factis ipsorum diversa climata regnorum nostrorum perlustrantes ad vos vestrasque terras, dominia, tenutas et possessiones pervenirent, extunc nonnulli ex vobis ac vestri officiales et tributarii eisdem exponentibus diversis calumniis impositis ut plurimum eos impedirent, molestarent et damnificarent ac contra eorum iura et antiquas libertates²⁾ adstando vestro iudicio et iudicatui artarent et compellerent resque et bona eorum arrestarent et prohiberi facerent, saepe saepius etiam pro debitis delictis, offensis et excessibus aliorum in ipsorum praeiudicium, immo in displicentiam nostrae maiestatis manifestam. Unde nos talismodi iniurias, damna, molestationes et nocumentorum genera praefatis nostris Saxonibus per vos aut quemcumque ex vobis inferri et irrogari nolentes, vestrae et cuiuslibet vestrum fidelitati firmo nostro regio sub edicto districte et seriose praecipimus et aliud habere nolentes mandamus, quatenus alio nostro mandato superinde non expectato a modo in posterum praefatos exponentes aut aliquem ex ipsis dum ad vestras tenutas, dominia, terras, possessiones ac vestri in medium pervenerint calumniis per vos aut alio quoscumque ratione quorumcumque factorum et et negotiorum inventis et inveniendis penitus semotis ad quorumcumque instantiam in personis iudicare aut vestro adstare iudicatui compellere aut alio quovismodo impedire, molestare et damnificare aut perturbare nusquam et nequaquam permittatis nec permitti faciatis, quinpotius ipsos ob respectum nostrae maiestatis contra alios universos impetitores protegatis, tueamini et defendatis. Si qui autem quidquam actionis vel questionis contra et adversus annotatos Saxones nostros atque mercatores aut aliquem ex ipsis habent vel se habere sperant, hii id in praesentiis iudicum ipsorum ordinariorum legitime prosequantur, ex quorum parte iudicium et iustitia ministrabitur cuilibet contra eos querulantes evidens et condigna praeterea, quia ipsi Saxones nostri atque mercatores dictarum septem sedium, uti ex literis condam serenissimi domini Sigismundi Romanorum imperatoris et Hungariae et cetera regis praedecessoris nostri superinde confectis vidimus contineri, ex condam Geysae, Andreae, Karoli et Lodowici regum Hungariae gratiosis concessionibus, eisdem vigore literarum eorundem regum per praefatum condam dominum Sigismundum imperatorem et regem confirmatarum factis ab omni tributaria solutione in locis tributorum tam nostrorum regalium quam aliorum quorumlibet, in terra scilicet et super aquis habitorum de rebus et bonis atque mercibus eorum faciendis exempti sunt et supportati successivis temporibus universis. Ideo vobis universis possessionatis, tam ecclesiasticis quam saecularibus hominibus tributa in terris scilicet et super aquis habentibus et tenentibus nostrisque et eorundem tributariis et vicetribu- [S. 77] tariis ubilibet in regno nostro Hungariae constitutis simili regio nostro sub edicto praecipimus seriose, quatenus a modo in posterum a praefatis Saxonibus ac mercatoribus septem sedium Saxonicalium partium nostrarum Transsiluanarum praedictarum aut altero eorundem ac eorum rebus et bonis ac mercibus equis et bobus in locis praefatorum tributorum nullum tributum seu quamcumque tributariam solutionem petere et exigere petique et exigi facere a ut ratione non solutionis huiusmodi tributi in personis eos³⁾ impedire aut rebus et bonis damnificare nullatenus audeatis⁴⁾. Alioquin commisimus et harum serie firmiter committimus vaivodis nostris Transsiluanis ac comitibus et vicecomitibus illorum comitatuum, in quibus praescriptis nostris mandatis in aliqua parta contrafactum fuerit, ut ipsi vos et vestrum quemlibet ad observationem dictorum nostrorum mandatorum per vestra gravamina artius compellant et astringant ex parteque vestri dictis nostris Saxonibus atque mercatoribus per vos iniuratis et damnificatis sine omni dilatione satisfaciant sic et taliter ut ipsi nostri Saxones superinde nostrae non cogantur querulari maiestati. Aliud ergo uti ultra permissa nostra gravissimam indignationem incurrere pertimescitis facere non ausuri. Praesentes quoque post earum lecturam semper reddi volumus praesentanti. Datum in descensu nostro exercituali prope castrum Kemend vocatum sabbato proximo ante dominicam Reminiscere, anno domini millesimo quadringentesimo quadragesimo primo.

Unter dem Siegel: Ad contenta literarum quondam Sigismundi regis⁵⁾.

Auf der Rückseite von einer Hand des 15. Jhs: Contra theoloniatores.


1) In den Ausfertigungen für Hermannstadt und die Zwei Stühle hierauf Hungariae etc. ^{^}
2) Fehlt von daminificarent an in der Ausfertigung für die Zwei Stühle, Nr. »2408.^{^}
3) Über der Zeile.^{^}
4) Fehlt von condigna bis hierher in der Ausfertigung für die Zwei Stühle, Nr. »2408.^{^}
5) Vgl. Band 4, 113 Nr. »1872. ^{^}