Urkunde Nr. 1872 aus Band IV

Seite im UB:

113-115

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 4.

Druckvorlage:

nach Original

Abdruck als:

Volltext

Sprache:

Latein

---

1872

Temeswar 1419 Dezember 4 König Sigmund befiehlt allen Zollinhabern seines Reiches, von den Kaufleuten der Sieben Stühle keine Abgaben einzuheben, ohne den Nachweis geführt zu haben, dass ihnen der Zoll von Rechts wegen zusteht.

Von der Kanzlei: Commissio propria domini regis.¹⁾

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis praelatis, baronibus, comitibus, castellanis, nobilibus ipsorumque officialibus nec non alterius cuiusvis status, conditionis et praeeminentiae hominibus tributa inter²⁾ ambitum ipsius regni nostri³⁾ Hungariae ubilibet tam in terris quam in aquis habentibus⁴⁾ nostrisque et eorundem tributariis tam praesentibus quam futuris, praesentes visuris salutem et gratiam. In nostrae maiestatis venientes conspectum fideles nostri dilecti providi comes Andreas Cibiniensis, Jacobus filius Jacobi proconsulis⁵⁾ antiqui, iuratis civis Cibiniensis et alter Jacobus dictus Samson⁶⁾ de insula Gerhadi in eorum ac universorum Saxonum septem Sedium Saxonicalium partium nostrarum Transsiluanarum personis celsitudini nostrae exposuerunt graviter conquerendo quod licet universi mercatores ipsarum septem sedium Saxonicalium per divos reges Hungariae et praesertim per quendam^b) Geysa, Andream, Karulum et Lodouicum reges, nostros ut³⁾ puta³⁾ praedecessores felicium recordiorum vigore certarum literarum ipsorum, per nos confirmatarum⁷⁾ ab omni tributaria solutione gratiose exempti sint et emancipati, tamen nonnulli forent ex vobis et tributariis eorundem, qui [S. 114] ab ipsis tributum seu tributariam solutionem petere et¹⁾ exigere non cessarent, in praeiudicium istiusmodi libertatis eorum non modicum atque damnum. Supplicantes exinde eis circa haec per nostram maiestatem opportune provideri. ²⁾ Verum quia nos ex tenoribus et continentiis certarum literarum praedictorum dominorum Geysae, Andreae, Karuli et Lodouici regum per nos confirmatarum in quoddam privilegium nostrum coram nobis specietenus productum insertarum, praedictos universos mercatores adhuc ab anno domini millesimo ducentesimo vicesimo quarto a solutione tributaria exemptos vidimus et emancipatos, volentes igitur praedictos Saxones nostros eorum libertatum praerogativis illibate gaudere et potiri, fidelitati vestrae universitatis et vestrum cuiuslibet firmo nostro regio mandamus sub edicto, quatenus a modo in posterum³⁾ et deinceps a quibusvis mercatoribus praedictarum septem sedium Saxonicalium eorumque rebus et bonis tam mercimonialibus quam aliis quibusvis contra formam praescriptae libertatis eorum nullum tributum seu tributariam solutionem petere seu exigere petique seu exigi facere nec ipsos ad exhibendum coram nobis praescriptum privilegium seu alias literas regales praeter praesentes⁴⁾ astringere praesumatis nec sitis ausi modo aliquali. Si qui enim ex vobis de suo tributo antiquiora literalia instrumenta quam praedictorum exponentiam se habere ex eoque praedictos exponentes ad talimodi solutionem tributariam astrictos⁵⁾ fore allegaverint, ex tunc tales talia literalia eorum instrumenta coram comite vel vicecomite huiusmodi comitatus, in quo quaestio super praemissis fuerit exorta, producere teneantur. Quae si antiquioris⁶⁾ datae exstiterint quam literalia instrumenta praedictorum exponentium⁷⁾ ex tunc praedicti mercatores in eo casu tributum solvere teneantur, si vero literalia instrumenta praedictorum exponentium de antiquiori⁸⁾ data comperta fuerint, ex tunc iidem mercatores ad nullam solutionem tributariam sint astricti. Transgressores etiam eiusmodi nostri mandati ad plenam observationem eiusdem per occupationem pro nostra maiestate, talismodi tributi, in quo horum contrarium fuerit attentatum per eundem comitem vel vicecomitem artius compelli mandamus praesentibus et astringi. Quas etiam post earum lecturam semper reddi iubemus praesentanti. Datum in Themeswar in festo beatae Barbarae virginis et martyris anno domini millesimo quadringentesimo decimo nono, regnorum [S. 115] nostrorum anno Hungariae et cetera XXXIII^o,¹⁾ Romanorum vero decimo.

Unter dem Siegel: Commissio propria domini regis.

Auf der Rückseite der Urkunde von einer Hand des 15. Jahrhunderts: Contra tributa, si quis haberet antiquiores²⁾ literas.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-7 auf S. 113, 1-8 auf S. 114, 1-2 auf S. 115.^{^}
b) Nachtrag UB IV, Seite 725 statt: quandam.^{^}
[S. 113]
1) Zweite Ausfertigung: Ad contenta aliarum literarum regalium.^{^}
2) Dritte Ausfertigung: intra.^{^}
3) Fehlt in der dritten Ausfertigung. [3x]^{^}
4) Hierauf in der dritten Ausfertigung: et tenentibus.^{^}
5) In allen Ausfertigungen und 1453: p consulis [Abkürzungsstrich über p].^{^}
6) In der zweiten und dritten Ausfertigung und 1453: Sampson.^{^}
7) Dritte Ausfertigung: confirmata.^{^}

[S. 114] <fnzt>1) Dritte Ausfertigung: seu.^{1)'>^} <fnzt>2) Zweite und dritte Ausfertigung und 1453: providere.^{^}
3) Zweite und dritte Ausfertigung: in antea.^{^}
4) Hierauf in der dritten Ausfertigung und 1453 noch: exhibere. In der zweiten Ausfertigung exhiberi durch Unterpunktierung getilgt. ^{^}
5) Vorlage: astrictus.^{^}
6) Dritte Ausfertigung: antiquiores.^{^}
7) In der dritten Ausfertigung fehlt hierauf der weitere Text bis einschliesslich exponentium in der Zeile.^{^}
8) Vorlage: antiquiora.^{^}
[S. 115]
1) In der dritten Ausfertigung und 1453 ausgeschrieben.^{^}
2) Vorlage: antiquiora.^{^}