Urkunde Nr. 2347 aus Band V

Seite im UB:

34-35

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2347

Ofen 1439 Juli 5 König Albrecht vermacht den Martinszins der Zwei Stühle für das Jahr 1438 seinen Hofrittern Henning und Iosth und trägt den Sachsen der zwei Stühle auf, ihnen diesen Zins auszufolgen.

Von der Kanzlei: Commissio propria domini regis, magistro Gregorio praeposito et prothonotario referente.

Albertus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex et dux Austriae et cetera fidelibus nostris universis et singulis Saxonibus duarum sedium Selk et Meggyes partium nostrarum Transsilaunarum salutem et gratiam. Quia nos censum festi sancti [S. 35] Martini, qui nobis et fisco nostro regio in praeterito¹⁾ anno domini M^o CCCC^o XXX octava proxime transacto vestri parte²⁾ provenire debuisset et per vos nondum existit persolutus, fidelibus nostris egregiis Henningo et Josth aulae nostrae militibus, pro eorum salario deputantes, fidelibus nostris providis Jacobo magistro civium ac Oswaldo et Michaeli de Olczna civibus civitatis nostrae Cybiniensis ad exigendum et manibus praefatorum Henning et Josth assignandum duximus committendum. Ideo fidelitati vestrae firmissime praecipimus et mandamus aliud habere nolentes, quatenus habita praesentium notitia, praefatum censum sancti Martini praelibatis Jacobo, magistro civium, ac Oswaldo et Michaeli aut eorum hominibus per ipsos ad id deputandis sine renitentia et dilatione aliquali extradare et persolvere ac summam et quantitatem pecuniarum, quam ipsis in sortem solutionis huiusmodi census assignabitis et persolvetis, vestris in literis nobis fideliter rescribere debeatis. Et aliud facere non audeatis gratiae nostrae sub obtentu. Praesentes autem facta praescripti census solutione pro vestra erga vos reservetis expeditione. Datum Budae dominico die proximo post festum visitationis beatae Mariae virginis gloriosae, anno domini M^o CCCC^o XXX^o nono.

Unter dem Siegel Kanzleibemerkung.


1) Am Ende der mit transacto schliessenden Zeile nachgetragen.^{^}
2) Hierauf durchgestrichen praeterito.^{^}