Urkunde Nr. 2332 aus Band V

Seite im UB:

24

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 87.

Druckvorlage:

nach Original

Abdruck als:

Volltext

Sprache:

Latein

---

2332

Pressburg 1439 März 3 König Albrecht gestattet den Bewohnern von Kronstadt, die unter ihnen zusammengekommenen Ablassgelder des Basler Konzils für die Befestigung der Stadt zu verwenden.

Von der Kanzlei: Commissio propria domini regis ex deliberatione dominorum consiliariorum Hungarorum.

Albertus dei gratia Romanorum rex Semper augustus ac Hungariae, Bohemiae, Dalmaciae, Croaciae et cetera rex et dux Austriae providis et circumspectis magistro civium, iudici, iuratis ceterisque civibus et toti communitati civitatis nostrae Brassouiensis salutem et gratiam. Misso ad maiestatem nostram isto nuntio vestro harum scilicet querulo¹⁾ per medium eiusdem, uti ex suo ore didicimus, nobis in eo supplicastis, ut pecunias ex indulgentiis sacri Basiliensis concilii illic in vestri medio congregatas et pia fidelium largitione cummulatas pro defensione illius civitatis relinquere et deputare dignaremur. Unde et super quo fidelitati vestrae respondendo dicimus, quod ex quo civitas nostra praetacta in extremis confiniis regni nostri locata gravioribus aemulorum insultibus formidatur, placet nobis et contenti sumus, ut pecunia praenotata nunc inibi modo quo praedicitur aggregata pro defensione ipsius civitatis remaneat et dispensetur, attamen nolentes eandem pecuniam quoquomodo inutiliter dispensari. Ecce scripsimus per alias literas nostras serenissimae dominae Elisabeth, reginae conthorali nostrae carissimae, ut unum hominem fidedignum in vestri medium deputet, coram quo et in praesentia cuius huiusmodi pecuniae ad ipsius civitatis defensionem et utilitatem provide et circumspecte dispensentur. Quapropter vobis mandamus, quatenus postulato a praefata domina regina dicto homine deputando antelatam pecuniam in sui praesentia pro dictae civitatis utili et proficua defensione et non aliter quovis modo exponere et dispensari debeatis. Datum Wratislauiae feria tertia proxima post dominicam Reminiscere, anno domini MCCCCXXX nono.

Unter dem Siegel Kanzleivermerk.


1) Vorlage gerulo. ^{^}