Urkunde Nr. 1648 aus Band III

Seite im UB:

497-499 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1648

Srebrnitza 1410 Oktober 21 König Sigmund verleiht den Neuansiedlern auf Bistritzer Distriktsgebiet für drei beziehungsweise sechs Jahre Befreiung von allen Abgaben. [S. 498]

Von der Kanzlei: Commissio propria domini regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis memoriae commendamus per praesentes, quod cum nos civitatem nostram regalem Biztricyensem necnon pertinentias seu provinciam eiusdem partium nostrarum Transsiluanarum propter varia et multiplicia incommoda pro debitae fidelitatis constantia per ipsos nobis et sacrae coronae cunctis temporibus laudabiliter observata ipsis illata in non modica sui parte devastatam et derobatas, ut eaedem sicuti numero sic et fidelitate de cetero augeantur, populosas efficere multitudineque populorum decorare intendamus, volumus igitur et praesentis scripti nostri patrocinio stabilimus, ut universi nostri regnicolae quicumque undecumque et qualescumque liberae conditionis homines existant, qui ad dictas nostram civitatem et provinciam seu pertinentias eiusdem causa commorandi venerint et in sessionibus habitatoribus destitutis aedificia habentibus descenderint, trium, qui vero illac confluentes in locis desertis et aedificiis prorsus destitutis se locaverint sex integrorum annorum a die adventus ipsorum ab omni penitus datio, collecta, taxa et qualibet solutione exempti et gratiose emancipati libertatibus et gratiarum praerogativis pacifice, quiete et absque aliquali molestia uti frui et gaudere valeant temporibus successivis atque possint salvis eorum rebus et personis sub nostra protectione et tutela speciali, ex praesenti nostri annuentia indultoque et gratia speciali, harum nostrarum vigore et testimonio literaram mediante. Quocirca vobis fidelibus nostris universis et singulis praelatis, baronibus, nobilibus eorumque officialibus item civitatibus et liberis villis earundemque rectoribus iudicibus et villicis tam in regno nostro Hungariae quam in eisdem partibus nostris Transsiluanis ubicumque constitutis praesentes inspecturis firmo regio sub edicto praecipimus et omnino volentes mandamus, quatenus habitis praesentibus a modo de cetero iobagiones, qui de vestris possessionibus, tenutis aut honoribus seu vestri e medio ad praedictas civitatem nostram Biztricyensem aut provinciam seu pertinentias eiusdem causa commorandi se transferre voluerint, calumnia et impedimento quibuslibet relegatis, ampliori nostro mandato superinde non exspectato, salvis eorum rebus et personis abire permittatis moraturos. Alioquin vos et vestrum quemlibet, qui forsan quod non credimus transgressores horum nostrorum mandatorum effici non pertimescerent, ad realem observationern eorundem non sine vestris¹⁾ maximis gravaminibus et damnis per vaivodam seu comites aut ipsorum vices gerentes illarum partium nostrarum seu comitatuum, in quibus praemissa per quempiam non oservarentur, in nostrae maiestatis persona et auctoritate sibi praesentibus in hac parte attributa artius compelli mandamus praesentibus utique et compelli. Secus igitur sub obtentu nostrae gratiae nequaquam facere prae- [S. 499] sumatis in praemissis. Praesentes quoque perlectas reddi iubemus praesentanti. Datum in castro nostro Zrebernycze Boznensi, feria tertia proxima post festum beati Lucae evangelistae, anno domini millesimo quadringentesimo decimo.

Unter dem Siegel, vom Schreiber der Urkunde: Commissio propria domini regis.


a) Erster Seitenumbruch nach Vorbemerkungen.^{^}

1) Auf Rasur.^{^}