Urkunde Nr. 1778 aus Band III

Seite im UB:

669-670 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1778

Hermannstadt 1415 September 25 Nikolaus, Woiwode von Siebenbürgen, schaltet die Urkunde des Königs Sigmund von 1415 Nr. »1759 ein und stellt zu Gunsten der sieben Stühle einen Schutzbrief aus, betreffend den Handel der aussersiebenbürgischen beziehungsweise der Temesvarer Kaufleute in Siebenbürgen beziehungsweise in Klausenburg, Bistritz, Weissenburg, Grossenyed, Thorenburg und Hermannstadt.

Nos Nicolaus de Chaak vaivoda Transsiluanus et comes de Zolnok memoriae commendantes tenore praesentium significamus quibus expedit universis, quod nobis in civitate Cybiniensi existentibus convenientibusque coram nobis iudice,³⁾ iuratis consulibus, proconsulibus et universis senioribus eiusdem civitatis providus vir Jacobus magister civium dictae civitatis Cybiniensis de medio et in personis concivium praedictorum ac septem sedium Saxonum universorum exsurgendo quasdam literas serenissimi principis et domini Sigismundi Romanorum regis semper augusti et cetera ac Hungariae regis domini nostri naturalis gratiosissimi super certis libertatibus et praerogativis dictarum septem sedium Saxonum in eisdem contentis emanatas tenoris infra scripti nobis in specie praesentavit, supplicans exinde nobis, ut easdem acceptare tenoremque earum literis nostris patentibus inseri et easdem iuxta mandatum regium superinde traditum executioni demandare et demandari facere dignaremur. Quarum tenor talis est. (Folgt die Urkunde des Königs Sigmund von 1415 Nr. »1759.) Nos itaque iustis et iuri consonis petitionibus dicti magistri civium nobis modo praemisso porrectis favorabiliter inclinati verius tamen mandatis dicti serenissimi domini nostri regis in hac parte nobis iniunctis humiliter ut tenemur obtemperantes praedictas literas eiusdem domini nostri regis ut praemittitur in personis dictorum universorum septem sedium Saxonum exhibitas cum omni reverentia acceptando earum series de verbo ad verbum nil addito nilque diminuto praesentibus literis nostris patentibus transcribi fecimus et transsumi. Mandamus⁴⁾ igitur vobis vicevaivodae ac universis vicecomitibus et castellanis nostris vestrasque vices gerentibus item civitatibus et liberis villis ipsarumque rectoribus iudicibus et villicis ac tributariis sub iurisdictione nostri honoris ubi- [S. 670] libet in dictis partibus Transsiluanis constitutis et constituendis praesentium notitiam habituris, nihilominus ceterorum dominorum fratrumque et amicorum nostrorum amicitias et fraternitates requirimus, quatenus a modo et deinceps praefatos universos septem sedium Saxones vel eorum alterum in eorum laudabilibus et antiquis libertatibus ac praerogativis modo praemisso per divos reges et signanter praefatum dominum nostrum Sigismundum regem eis gratiose concessis semper et ubique tenere, conservare ac defensare et ubi necesse et opportunum fuerit in dictis partibus Transsiluanensibus contra omnes et singulos mercatores et signanter de Themeswar per omnia iuxta vigorem et continentias literarum dicti domini nostri regis praedictarum procedere dignemini, velitis et debeatis. Praesentes perlectas semper reddi petimus et volumus exhibenti. Datum in Cybinio, feria quarta proxima ante festum sancti Michaelis archangeli, anno domini supra dicto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 669 (1-2 zu voranstehender Urkunde).^{^}

3) Vorlage: iudici.^{^}
4) Vorlage: mandatis.^{^}