Urkunde Nr. 1759 aus Band III

Seite im UB:

638-639 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1759

Konstanz 1415 Januar 13 König Sigmund richtet an den Bischof von Siebenbürgen und Genossen über Einschreiten der sieben Stühle einen Erlass, betreffend den Handel der aussersiebenbürgischen beziehungsweise der Temesvarer Kaufleute in Siebenbürgen beziehungsweise in Klausenburg, Bistritz, Weissenburg, Grossenyed, Thorenburg und Hermannstadt.

Sigismundus dei gratia Romanorum rex semper augustus ac Hungariae et cetera rex fidelibus nostris dilectis reverendo in Christo patri domino episcopo ecclesiae Transsiluanae necnon magnificis vaivodae earundem partium nostrarum Transsiluanarum et comiti Siculorum nostrorum, item comitibus, castellanis, nobilibus vestrisque officialibus ac civitatibus et liberis villis ipsarumque rectoribus iudicibus et villicis atque tributariis tam nostris quam aliorum quorumcumque ibidem constitutis tam praesentibus quam futuris praesentes visuris salutem et gratiam. Venientes nostrae claritatis in conspectum fideles nostri providi Jacobus filius Jacobi magistri civium nostrae civitatis Cybiniensis et Hedrich filius Hedrich de Olczna¹⁾ iudex de Noua ecclesia in eorum item universorum Saxonum nostrorum septem sedium Saxonicalium personis nobis exposuerunt plurimum querulose, quod quamvis ipsi et certae aliae civitates in ipsis partibus nostris Transsiluanis habitae, prout hoc certae et efficaces literae quondam serenissimi principis domini Lodouici²⁾ regis patris et soceri nostri carissimi superinde confactae et nostrae clarius declararent, huiusmodi libertatum et gratiarum praerogativis signanter per annotatum quondam dominum Lodouicum regem ipsis inter alia concessis usi fuissent fruique et gaudere deberent de praesenti, ut mercatores quicumque de nostris civitatibus extra partes nostras Transsiluanas praedictas existentibus ad civitates infra nominatas videlicet Cluswar, Bystriciam, Albam, Engetin, Tordam et ultimo ad Cybinium praedictam et non alias cum suis mercantiis accedere valerent ac eas periustrare, in quarum singulis et foris earundem dictas mercantias suas pannos videlicet cum peciis seu staminibus et non cum ulnis aperiendi, religandi, vendendi et ad aliam ipsarum civitatum deferendi haberent facultatem, tamen nostri nonnulli forent mercatores signanter de nostra civitate Themeswar, qui praedictas earum libertates in nullo advertendo in praedictis nostris civitatibus et altera earum pannos suos cum ulnis vendere et venditioni exponere non formidassent et nec formidarent quoad praesens in ipsorum damnum dictarumque antiquarum libertatum ipsorum derogamen valde grande. Supplicantes exinde nostrae culmini maiestatis precibus subiectivis, quatenus ipsis circa hoc de remedio providere dignaremur opportuno. Cum itaque nos praedictos Saxones nostros et quemlibet eorum officii nostri regii regiminis debito exposcente [S. 639] eorum laudabilibus antiquis libertatum praerogativis per divos reges Hungariae et praesertim per praefatum quondam dominum Lodouicum regem patrem et socerum nostrum carissimum et etiam per nostram maiestatem eis gratiose concessis et indultis illibate frui velimus et gaudere, igitur fidelitatem vestram attente requirimus eidemque firmiter praecipimus et mandamus, quatenus a modo in antea et deinceps quoscumque mercatores et signanter de praedicta Themeswar extra ipsas partes nostras Transsiluanas commorantes a venditione pannorum cum ulnis et aliarum mercantiarum suarum venditioni expositione contra formam praemissarum¹⁾ laudibilium antiquarum libertatum dictorum Saxonum nostrorum faciendis et exercendis publicae promulgationis²⁾ interdicto, ubi in dictis partibus nostris Transsiluanis opportnnum fuerit, prohibere et prohiberi facere debeatis. Qui si huiusmodi prohibitionem surda aure pertransierint, quod absit, ex tunc eosdem ad hoc, ne ipsi vel alter ipsorum in praemissorum pannorum et aliarum mercantiarum suarum venditione et venditioni³⁾ expositione quicumque in contrarium praemissarum laudabilium libertatum dictorum nostrorum Saxonum exercere praesumant seu attentare, non sine eorum damnis et gravaminibus artius compellatis libertatibus praedictorum nostrorum Saxonum exigentibus praenotatis. Aliud non facturi, si⁴⁾ nostrae maiestatis gratiam cupitis obtinere. Praesentes etiam perlectas semper reddi volumus praesentanti. Datum Constanciae, octavo die festi epiphaniarum domini, anno eiusdem millesimo quadringentesimo quinto decimo, regnorum nostrorum anno Hungariae et cetera vicesimo octavo, Romanorum vero quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 638, 1-4 auf S. 639.^{^}
[S. 638]
1) Vorlage: Oczna.^{^}
2) Vorlage: Loduici.^{^}
[S. 639]
1) Vorlage: praemissorum.^{^}
2) Vorlage: promlgatonis [Abkürzungssstrich über lg]; Buchstabe m gebessert aus: v.^{^}
3) Vorlage: venditionis.^{^}
4) Hierauf Rasur, 0.2 Centimeter breit.^{^}