Urkunde Nr. 1664 aus Band III

Seite im UB:

512-513 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1664

Ofen 1411 September 14 König Sigmund befiehlt den sieben Stühlen, ihren gegen die Gemeinde Stolzenburg gefällten Urteilsspruch, betreffend die Streitsache zwischen der letztern und zwischen der Gemeinde Grossscheuern, durchzuführen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris comitibus, iudicibus, iuratis consulibus et senioribus septem sedium Saxonum et hospitum partium nostrarum Transsiluanarum salutem et gratiam. Vidimus ex continentiis literarum vestrarum iudicialium et aliarum facta infra scripta tangentium culmini nostrae maiestatis exhibitarum, quomodo dudum inter communitates villarum nostrarum Magni horrei et Stolczenberg vocatarum occasione certi territorii quaestionis materia suborta et causa diutius ventilata per reambulationem metarum consuetam et alia rationabilia documenta iudicialiter et decisive ipsum territorium cum suis iuribus et pertinentiis non ad communitatem villae Stolczenberg sed Magni horrei pertinuisse et pertinere sufficienter compertum fuisse et ipsam adiudicationem rationabilem et iuri consonam poena decem marcarum argenti firmatam et vallatam fuisse. Et nunc sicut nobis pro parte dictae communitatis de Magno horreo querulose exstitit relatum, praedicta communitas de Stolczenberg de adiudicatione et decisione quaestionis huiusmodi et causae praetactae minime contenta et poenam praedictam decem marcarum continuo incurrendo in vilipendium decisionis et parvipensionem adiudicationis praetaetae violenter et nullius iudicis auctoritate invocata nec iustitia implorata praedictum territorium, super quo quaestionis materia exstitisset¹⁾ suborta, sibi usurpare et indebite vendicare niteretur²⁾ et laboraret³⁾ in ipsius communitatis de Magno horreo praeiudicium suique iuris dispendium et gravamen. Et quia regia maiestas quoslibet suos fideles in ipsorum iuribus, libertatibus, privilegiis et consuetudinibus laudabilibus et approbatis indemniter vult conservare, fidelitati igitur vestrae firmissimo nostro regio damus sub edicto mandantes, quatenus si est ita ut nobis refertur praetactam poenam decem marcarum a praedicta communitate de Stolczenberg si quam incurrerunt incompassibiliter recipiendo praedictam communitatem de Magno horreo iuxta vim et formam literarum vestrarum [S. 513] iudicialium et aliarum causam tangentium praedictam in suis iuribus et consuetudinibus rationabilibus¹⁾ manutenere fideliter et defensare debeatis odio, amore et favore postergatis. Alioquin commisimus et serie praesentium committimus fideli nostro magnifico viro Stiborio vaivodae Transsiluano aut eius vicevaivodae nunc constituto et in futurum constituendo, ut vos ad faciendum praemissa vestris gravaminibus atque damnis artius constringat et compellat. Secus gratiae nostrae sub obtentu nequaquam facere ausuri. Praesentes etiam sigillo nostro solito fecimus communiri, quas post lecturam semper reddi volumus praesentanti. Datum Budae, in die festi exaltationis sanctae crucis, anno domini millesimo quadringentesimo undecimo.

Unter dem Siegel: Commissio propria domini regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 512, 1 auf S. 513 (dortige 2 zu nachfolgender Urkunde).^{^}
[S. 512]
1) extitit vom Schreiber der Kanzleibemerkung geändert in: extitisset.^{^}
2) nititur vom Schreiber der Kanzleibemerkung geändert in: niteretur.^{^}
3) laborat vom Schreiber der Kanzleibemerkung geändert in: laboraret.^{^}
[S. 513]
1) rationabilibus vom Schreiber der Kanzleibemerkung hinzugefügt.^{^}