Urkunde Nr. 1605 aus Band III

Seite im UB:

446-449 ^a)

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1605

Gilău 1408 Februar 10 ^b) Stephan, Bischof von Siebenbürgen, bestätigt die seitens der Katharinenbruderschaft zu Klausenburg für den Klausenburger Pleban Cristannus beziehungsweise dessen Nachfolger im Pfarramt gemachte Stiftung, betreffend den Unterhalt eines Kaplans. [S. 447]

Stephanus¹⁾ dei et apostolicae sedis gratia episcopus almae ecclesiae Transsiluanae universis Cristi fidelibus praesentibus et futuris praesentium notitiam habituris salutem in domino cum paternae caritatis continuo incremento. Pastoralis nostri officii sollicitudo nos inducit, ut ea quae ecclesiarum commoda et divini cultus augmentum respiciunt benignis prosequamur promotionum affectibus et nostrae auctoritatis studio perpetue roboremus. Hinc est, quod ad universorum volumus notitiam harum serie pervenire, quod in nostri personaliter constituti praesentia scientificus et circumspecti viri artium liberalium magister Jacobus dictus Bulkisser,²⁾ Nicolaus Mwn iudex et Cristannus filius Johannis dicti Bawman cives civitatis Koloswar nostrae diocesis suis ac universorum fratrum suorum fraternitatis scilicet exulum in honorem³⁾ beatae Katherinae Christi virginis et martyris gloriosae in ecclesia beati Michaelis archangeli parochiali de praedicta Koloswar laudabiliter institutae nobis votivo exponere desiderio curaverunt, quod quia praesentis vitae conditio statum haberet instabilem et ea quae haberent essentiam tenderent visibiliter ad non esse, idcirco ipsi digna et devota consideratione vigilantes, ne cum dominus venerit eos inveniat dormientes, pro ipsorum commoditate et divini cultus augmento, terrena in caelestia et transitoria in aeterna felici volentes commercio commutare, quandam vineam in territorio abbatis monasterii de Kolosmonstora circa duo iugera continentem, intra vineas Achacii Kathedralis de dicta Koloswar et Petri dicti Fwemf⁴⁾ de iam dicta Kolosmonstora cohospitum adiacentem necnon quaedam duo macella ipsorum in dicta civitate Koloswar unum scilicet prope macellum Hanconis et aliud ut puta intra macella Leonhardi de Zeek et Martini Payer dictorum cohospitum de saepe fata Koloswar existentia et habita cum omnibus ipsorum utilitatibus et proventibus ac pertinentiis quibuscumque ac quatuor florenos in auro puro vel moneta aequivalenti pro tempore currenti in prima dominica quadragesimae, videlicet qua cantatur in dei ecclesia Invocauit, singulis annis et perpetue administrandos et persolvendos honorabili et scientifico viro similiter artium liberalium magistro Cristanno plebano de dicta [S. 448] Koloswar et canonico dictae nostrae ecclesiae Transsiluanae eo tempore praesenti¹⁾ et audienti²⁾ ac dictae suae ecclesiae nomine ac successorum suorum plebanorum ad eandem canonice intrantium acceptanti³⁾ et incorporanti⁴⁾ ad honorem omnipotentis dei ac virginis et martyris eius Katherinae dederunt, tradiderunt et coram nobis perpetue ac irrevocabiliter incorporando pro ipsorum et parentum suorum animarum remedio et salute assignarunt et administrare ac persolvere promiserunt his tamen pactis et conditionibus limpide expressatis, quod ipse magister Cristannus plebanus eiusque successores qui pro tempore fuerint constituti unum capellanum ultra solitum capellanorum numerum servare, tenere et fovere debeant et sint astricti, qui unam missam in altari beatae Katherinae virginis in dicta ecclesia beati Michaelis fundato⁵⁾ singulis secundis feriis ob defunctorum salutem, missam scilicet pro defunctis cum certis suis capellanis post sermonem populo dei in dicta ecclesia fieri consuetum cantando septimanatimque singulis diebus et perpetue infra summam missam legendo celebrare ac processioni cuiuslibet funeris exulis per dictos fratres debitae sepulturae tradendi, ad ecclesiam cum cantu conducendi⁶⁾ iuxta ipsorum fratrum requisitionem toties, quoties, opportunum fuerit, perpetuis temporibus interesse debeat et teneatur, quodque praefatam vineam aliaque donata non permittant iidem magister Cristannus plebanus eiusque successores destrui vel deperdi, sed consuetis faciant laboribus instaurari. Supplicantes nobis humili precum cum instantia, ut dictam donationem ratam et gratam habendo eam et eius annexa onera auctoritate nostra ordinaria cum poenariis adiectionibus dignaremur paternaliter confirmare. Nos enim tam ipsius magistri Cristanni plebani quam dictorum fratrum dictae fraternitatis piis et salubribus desideriis benigne inclinati praedictam donationem cum eius annexis oneribus ratificamus, approbamus et in dei nomine confirmamus, volentes eam et eius annexa onera robur firmitatis perpetuae obtinere mandamus memorato magistro Cristanno plebano et suis successoribus plebanis ecclesiae supra dictae sub divini iudicii obtestatione et maledictionis aeternae, ut capellanum teneant, qui missas cantare et legere et processioni interesse ut dictum est debeat atque possit. Alioquin ad denunciationem providorum virorum iudicis et iuratorum civium de dicta Koloswar aut fratrum dictae fraternitatis pro tempore constitutorum ipsum magistrum Cristannum plebanum vel eius quosvis successores ad observanda praemissa compellemus per remedia opportuna, venerabilesque in Cristo patres et domini, domini⁷⁾ dictae nostrae ecclesiae Transsiluanae episcopi successores ut puta nostri ipsos plebanos ad tenenda et observanda omnia praemissa ut praefertur divini amoris ac nostrae petitionis ob respectum per excommunicationis sententiam et alia ecclesiasticae censurae remedia [S. 449] compellant acrius et astringant. In quorum omniam praemissorum testimonium praesentes nostras privilegiales literas sub sigilli nostri anularis appensione duximus roborandas. Datum in Gyalo in domo nostra episcopali, in festo beatae Scolasticae virginis et martyris gloriosae decima videlicet die mensis Februarii, anno a nativitate domini millesimo quadringentesimo octavo.

Auf der Rückseite, auf dem untern umgebogenen Rande links, vom Schreiber der Urkunde: Cristannus¹⁾ Bawman.¹⁾


a) Erster Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 447,1-7 auf S. 448, 1 auf S. 449 (dortige 2 zu nachfolgender Urkunde).^{^}
b) Ausstellungsort im UB als: Gyalu.^{^}
[S. 447]
1) Verlängerte Schrift.^{^}
2) Zweites Orig.: Bulkysser.^{^}
3) Vorlage: honore.^{^}
4) Zweites Orig.: Fumff.^{^}
[S. 448]
1) Vorlage: praesente.^{^}
2) Vorlage: audiente.^{^}
3) Vorlage: acceptante.^{^}
4) Vorlage: incorporante.^{^}
5) Vorlage: fundati.^{^}
6) Vorlage: conducendo.^{^}
7) Zweites Orig. hierauf: . . . ^{^}
[S. 449]
1) Fehlt im zweiten Orig. [2x]^{^}