Urkunde Nr. 1578 aus Band III

Seite im UB:

424-425

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 10: Stadt Schäßburg [Primaria Municipiului Sighisioara].

Druckvorlage:

nach Original

Abdruck als:

Volltext

Sprache:

Latein

---

1578

Weissenburg 1407 Januar 7 Stephan, Bischof von Siebenbürgen, trifft Bestimmungen über die dem Keisder Dekan gegenüber der Stadt Schässburg hinsichtlich der Verhängung kirchlicher Strafen zustehenden Befugnisse.

Stephanus dei et apostolicae sedis gratia episcopus Transsiluanus omnibus Christi fidelibus praesentibus pariter et futuris praesens scriptum inspecturis salutem cum felicitatis in utroque saeculo continuo incremento. Sane gravis querimonia pro parte virorum providorum civium, seniorum et hospitum civitatis Segwswar nobis per discretum virum magnum Petrum quondam Johannis dictae civitatis protonotarium saepius exposita continebat, quomodo viri discreti decani et assessores sedis Kysd nescitur quali motivo inducti pro duarum aut trium personarum immo saepius unius tantum personae delictis et excessibns tam in eorum sede iudiciaria condemnatarum vel condemnatae¹⁾ quam extra eorum iudicium delinquentium aut delinquentis de dicta civitate Segewswar et alias satis ex parvo motivo communitatem civium, seniorum et hospitum ipsam civitatem inhabitantium per interdictum ecclesiasticum et alias censuras huiusmodi et poenas ecclesiasticas difficulter vexarent et intollerabili gravamine molestarent. Et quia poena suos debeat tenere actores ac pro singulis querelis dictis civibus et hospitibus difficile reddatur nostram sedem implorare, nos volentes quantum possumus ab huiusmodi oneris gravamine eosdem sublevare hanc praerogativam dictis senioribus, civibus et hospitibus memoratae civitatis Segeswar concedimus et indulgemus libertatem gratiose, ut ipsi et eorum quilibet ab huiusmodi onere interdicti et aliarum poenarum ecclesiasticarum per praedictam sedem Kysd seu eius decanum pro tempore constitutum pro unius, duarum aut trium personarum de dicta civitate delictis toti communitati impositarum seu imponendarum titulo exemptionis perpetuis temporibus valeant et valeat gaudere praerogativo exceptis duntaxat personis tam in iudicio quam extra quovis modo delinquentibus et criminosis, contumacibus et rebellibus mandatis dictae sedis Kysd aut eius decani eo tempore existentis parere nolentibus, quas personas per interdicti, excommunicationis, suspensionis et alias poenas ecclesiasticas decanus ipsius sedis Kysd liberam et omnimodam facultatem iuxta eiusdem sedis consuetudinem ad sua mandata firmiter observanda habeat compellendi iuridicam et omnimodam potestatem, aut si huiusmodi rebelles et contumaces ac filios inobedientiae dictas interdicti, [S. 425] excommunicationis et alias censuras ecclesiasticas per praescriptam sedem Kysd seu eius decanum illius temporis firmiter impositas aliquamdiu sustinentes animo indurato dicta communitas civium, consulum et hospitum in cibo, potu, loquela et alio quovis humanitatis solatio eisdem obstinatis participando secum foveret et nutriret, ex tunc quia facientes et consentientes aut fautores plectendi sunt pari poena, decanus eo tempore in ipsa sede Kysd constitutus omnimodam iurisdictionem secundum consuetudinem ipsius sedis in dictam communitatem ipsius civitatis Segewswar liberam habeat exercendi facultatem, eosdem cives, hospites universos per censuras ecclesiasticas et similia iuris remedia iuxta limites eiusdem sedis in consuetudine antiquitus approbatas ad sua mandata in praemissis observanda firmiter compellat et astringat iustitia semper observata in hac parte. In cuius rei testimonium praesentes nostras literas pendentis sigilli nostri anularis et consueti munimine roboratas duximus concedendas. Datum Albegewlae, feria sexta proxima post festum epiphaniarum domini, anno eiusdem millesimo quadringentesimo septimo.


1) Vorlage: condemptate.^{^}