Urkunde Nr. 1573 aus Band III

Seite im UB:

414-416 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 34.

Druckvorlage:

nach Original

Abdruck als:

Volltext

Sprache:

Latein

---

1573

1406 Oktober 12 König Sigmund bekräftigt für Anton Sander von Kronstadt und für den Kronstädter Richter Johann Sidenswancz die Urkunde des Woiwoden Jakob Lachk von 1404 Nr. »1520, betreffend die Landstriche Hophsifen und Neudorf.

Von der Kanzlei: Relatio Jacobi Lachk vaivodae Transsiluani.

Sigismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamerarius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Grata subditorum obsequia grata debent reportare praemia, ut hi qui fideles sunt fideliores efficiantur ceterique eorum exemplo praemuniti ad fidelitatis opera exercenda devotius animantur. Proinde ad universorum notitiam harum serie volumus pervenire, quod fidelis noster providus vir Anthonius Sander civis civitatis nostrae de Corona sua ac Johannis Sidenswancz iudicis praetaxatae civitatis [S. 415] nostrae in personis in nostrae celsitudinis veniens conspectum exhibuit nobis quasdam literas privilegiales magnifici viri domini Jacobi Lachk de Zanthow vaivodae nostri Transsiluani super perennali donatione omnium arearum sive fundorum nunc uti fertur habitatoribus destitutorum inter castrum Helthwen et oppidum Hylthwedorf vocata in districtu Brassouiensi existentium communi vocabulo Hophsywen et Newdorf appelatorum pro eisdem rite facta confectas tenoris infra scripti, supplicans exinde nominibus quibus supra maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo ac huiusmodi possessionariae¹⁾ donationi nostrum regium consensum adhibendo pro ipsis ac ipsorum heredibus innovantes perpetue valituras dignaremur confirmare. Quarum tenor is est. (Folgt die Urkunde des Woiwoden Jakob Lachk von 1404 Nr. »1520.) Nos igitur humillimis et devotis ipsius Anthonii supplicationibus nominibus quibus supra nostrae per eum subiective oblatis maiestati regia benignitate exauditis et clementer admissis praefatas literas ipsius domini Jacobi vaivodae privilegiales, non abrasas, non cancellatas nec in aliqua sui parte vitiatas sed prorsus omni suspicionis vitio destitutas immo merae et sincerae veritatis integritate praepollentes praesentibus de verbo ad verbum insertas quoad omnes earum continentias, articulos et clausulas acceptantes, approbantes et ratificantes praemissaeque perennali donationi nostrum regium benivolum consensum et assensum praebentes easdem requirentibus eorundem Anthonii et Johannis fidelitatibus et fidelium obsequiorum meritis sincerisque complacentiis nostrae per ipsos tempore et loco opportunis cum summae fidelitatis constantia exhibitis maiestati regia auctoritate et potestatis plenitudine ex certaque nostrae maiestatis scientia praelatorum etiam et baronum nostrorum consilio praematuro ac parili decreto eorundem simul cum dicta perhennali donatione superius in earundem tenoribus limpide declarata pro praefatis Anthonio et Johanne ac eorum heredibus heredumque suorum successoribus et posteritatibus universis absque alieni iuris praeiudicio innovantes perpetue valituras confirmamus praesentis scripti nostri patrocinio mediante. In cuius rei memoriam praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus reverendi in Christo patris domini Eberhardi episcopi Waradyensis, aulae nostrae summi cancellarii fidelis nostri dilecti, anno domini Mmo quadringentesimo sexto, quarto Idus mensis Octobris, regni autem nostri anno decimo octavo. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et ecclesiae Quinqueecclesiensis gubernatore, Johanne Strigoniensi, Colocensi et Jadrensi sedibus vacantibus, Andrea Spalatensi et altero Andrea Ragusiensi archiepiscopis, eodem domino Eberhardo Waradyensi, Stephano Transsiluanensi, Zagrabyensi et Agriensi sedibus vacantibus, Johanne Boznensi, Wesprimiensi sede vacante, Johanne Jauriensi, Wacyensi sede vacante, fratribus Dosa Chanadyensi, Hincone Nitriensi et Thoma Senniensi electis ecclesiarum epis- [S. 416] copis ecclesias dei feliciter gubernantibus, Sirimiensi, Traguriensi, Scardonensi, Nonensi, Tyniniensi, Sibinicensi, Macharensi, Ffarensi et Corbauiensi sedibus vacantibus. Necnon spectabili et magnificis viris domino Hermano comite Cyli et Zaguriae, Dalmaciae et Croaciae praedictarum ac Slauoniae regnorum nostroram bano socero nostro carissimo, Nicolao de Gara regni nostri Hungariae praedicti palatino, Johanne et Jacobo Lachk praedicto vaivodis nostris Transsiluanis, comite Ffrank filio quondam Koniae bani iudice curiae nostrae, Johanne de Marouth bano nostro Machouiensi, honore banatus Zeuriniensis vacante, Nicolao Trewtul de Neuna tavarnicorum et comite de Posega, Symone filio dicti quondam Koniae bani ianitorum, Johanne dicto Grofh comite Corbauiae dapiferorum, Johanne filio Gregorii de Alsan pincernarum, Petro Cheh agasonum nostrorum magistris et Silstrang comite Posoniensi aliisque quampluribus regni nostri comitatus tenentibus et honores.

<re>Von der Kanzlei: Relatio Jacobi Lachk vaivodae Transsiluani. </re>


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 414, 1 auf S. 415.^{^}
[S. 414]
1) Verlängerte Schrift.^{^}
[S. 415]
1) Vorlage: possessonarie.^{^}