Urkunde Nr. 1517 aus Band III

Seite im UB:

329-330 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 7.

Druckvorlage:

nach Original

Abdruck als:

Volltext

Sprache:

Deutsch

---

1517

Wien 1404 Oktober 1 Wilhelm, Herzog von Österreich, verleiht den Hermannstädter Kaufleuten sicheres Geleit.

Wir Wilhalm von gotes gnaden herczog ze Österreich, ze Steyr, ze Kernden vnd ze Krain, graf ze Tyrol et cetera bekennen, als die erbern . . die kauffleutt gemainkleich zu der Hermanstat in Sibenbuergen zu sand Kathreinn tag schuerst kunftig³⁾ mit irer kauffmanschafft her mainen ze komen, also haben wir in allen vnd ir ygleichem besunder desselben irs geuerts her vnd auch wider hinab gen Vngern mit irer kauffmanschafft durch vnser land vnd gepiet vnser sicherhait vnd gelait gegeben vnd geben auch wissentleich mit dem brief. Dauon gepieten wir vnsern lieben getrewn . . allen herren, rittern vnd knechten, phlegern, burggrafen, richtern, burgern vnd allen andern vnsern amptleuetten vnd vndertanen, den der brief wirdt geczaigt, vnd wellen ernstleichen, daz si dieselben kauffleut mitsambt irer hab vnd kauffmanschafft desselben irs geuerts her vnd wider hinab gen Vngern bey diser vnser sicherhait vnd dem gelait lassen genczleich beleiben vnd dawider nicht tun noch yemand anderm gestatten zetun in dhainen weg. [S. 330] Mit vrkunt diezs briefs. Geben ze Wienn, an Mittichen nach sand Michels tag, anno et cetera CCCC^mo quarto.

Vom Schreiber der Urkunde: Dominus dux per magistrum camerae Potendorfer¹⁾ ad relationem notarii sui.²⁾


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 329 (1-2 zu voranstehender Urkunde), 1-2 auf S. 330 (dortige 3-6 zu nachfolgender Urkunde).^{^}
[S. 329]
3) November 25.^{^}
[S. 330]
1) Vorlage: Pot [Abkürzungssstrich über Wortende].^{^}
2) Vorlage: s.^{^}