Urkunde Nr. 1513 aus Band III

Seite im UB:

325

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1513

Im Feldlager bei Kostel in Mähren 1404 August 3 König Sigmund verleiht Comes Michael und Comes Laurentius von Rotberg die Gerichtsbarkeit in Reussmarkt.

Von der Kanzlei: Commissio propria domini regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendantes tenore praesentium significamus quibus expedit universis, quod nos consideratis fidelitatibus et fidelium servitiorum gratuitis meritis, quibus fideles nostri comes Mycliael et comes Laurencius de Ruffomonte alias de Weresmorth continuo notanter his disturbiorum temporibus nobis et sacrae coronae multipliciter complacuerunt, praesertim ob observandam nobis fidelitatis sinceritatem nostris aemulis et rebellibus se totis viribus opponendo ab eisdem plurima damna et impedimenta pertulerunt. Horum intuitu volentes ipsos prosequi regio favore et gratia speciali iudicatum in Zerdahel alias in Rewsmark cum suis iuribus, fructibus et pertinentiis praefatis comitibus Mychaeli et Laurencio dedimus et contulimus, immo damus et conferimus per ipsos tenendum, gubernandum et conservandum omnibus modis et consuetudinibus, quibus ceteri iudicatus partium Transsiluanarum tenentur, gubernantur et quomodolibet conservantur. Quocirca vobis universis civibus et populis in dicto iudicatu constitutis et ad eundem pertinentibus firmo praecipimus regio sub edicto, quatenus praefatis comitibus in omnibus consuetis et licitis obedire ipsosque reverentiis congruis pertractare immo eis de universis fructibus et proventibus eiusdem iudicatus respondere debeatis. Datum in descensu nostro campestri in Morauia iuxta civitatem Kostel vocatam, in festo inventionis corporis beati Stephani protomartyris, anno domini millesimo quadringentesimo quarto.

Am untern Rande links, von der Kanzlei: XII floreni.