Urkunde Nr. 1471 aus Band III

Seite im UB:

278-279 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73845 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 338.

Druckvorlage:

nach Original

Abdruck als:

Volltext

Sprache:

Latein

---

1471

Schaumberg 1402 Juli 22 König Sigmund beauftragt beide Nikolaus, die Woiwoden von Siebenbürgen, an Anthonius von Somkerek und Genossen die Besitzungen Mönchsdorf, Attelsdorf und Netz auszufolgen.

Von der Kanzlei: Commissio propria domini regis.

Sigismundus dei gratia rex Hungariae, Dalmaciae, Croaciae et cetera sacrique Romani imperii generalis vicarius et regni Bohemiae gubernator fidelibus suis viris magnificis utrique Nicolao vaivodis partium nostrarum Transiluanarum et comitibus Themessiensibus salutem et gratiam. Cum nosconsideratis et in animum nostri culminis diligenter revolutis gratuitis complacentiis et fidelium servitiorum meritis, quibus fidelis noster dilectus Anthonius filius Nicolai de Chonkaregky nobis et sacrae nostrae coronae diversis locis et temporibus et signanter pridem tempore motionis regni nostri, dum idem Anthonius in castro nostro Tininiensi per nefandos paterenos Herwoyam vaivodam Boznensem et suos complices tenebatur obsessus,²⁾ quod castrum ipse Anthonius sua tantum virtute nobis fideliter conservavit, et in multis aliis locis et temporibus sincere complacuit et adhuc complacere non desistit, ipsi Anthonio ac Johanni filio dicti Nicolai f[ratr]i suo propter huiusmodi fidelia servitia possessiones nostras Harinna et Belak in partibus [S. 279] nostris Transiluanis habitas, populosas necnon quandam aliam possessionem vacuam et iobagionibus destitutam Nech similiter in dictis partibus sitam pro honore contulimus, ideo fidelitatem vestram requirimus et hortamur attente, quatenus mox agnitis praesentibus praedictas possessiones ipsis Anthonio et Johanni vel eorum alteri libere cum omnibus pertinentiis et utilitatibus ipsarum remittere et resignari facere velitis ipsos et eorum alterum in pacificum dominium earundem contra quoslibet impetitores protegendo nostrae maiestatis in persona. Et aliud pro nostra gratia non facturi. Praesentes etiam post ipsarum lecturam reddi iubemus praesentanti. Datum in Schowmbergh, in feste beatae Mariae Magdalenae, anno domini millesimo quadringentesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 278 (1 zu voranstehender Urkunde).^{^}

2) Vorlage: obcessus.^{^}