Urkunde Nr. 1470 aus Band III

Seite im UB:

277-278 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1470

Weissenburg 1402 Juli 9 Nikolaus, Woiwode von Siebenbürgen, beglaubigt für das Weissenburger Kapitel die Urkunde des Vizewoiwoden Johann von 1400 Nr. »1452 enthaltend die Urkunde des Vizewoiwoden Peter von 1394 Nr. »1318, betreffend die Pachtung des Zehntens und der Zehntquarten.

Nos Nicolaus filius Stephani de Chaak vaivoda Transsiluanensis, Themesiensis et de Zolnuk comes significamus tenore praesentium quibus expedit universis, quod cum nos una cum nobilibus, Siculis et Saxonibus praedictarum partium Transsiluanarum pro quibusdam arduis domini nostri regis serenissimi tractandis negotiis die dominico proximo ante festum beatae Margarethae virginis et martyris¹⁾ Albae convenissemus, inter alios nostros tractatus honorabilis vir dominus Nicolaus decanus archidiaconus de Kyzdi [S. 278] et canonicus in ecclesia Transsiluana nomine et in persona dominorum de capitulo eiusdem ecclesiae ad nostram accedens praesentiam exhibuit nobis quasdam literas patentes magistri Johannis de Swerch quondam vicevaivodae¹⁾ partium praedictarum Transsiluanarum tenoris infra scripti, postulans nos debita cum instantia, ut tenorem earundem de verbo ad verbum transcribi et literis nostris inseri facere dignaremur. Quarum quidem literarum tenor sequitur et est talis. (Folgt die Urkunde des Vizewoiwoden Johann von 1400 Nr. »1452 mit der Urkunde des Vizewoiwoden Peter von 1394 Nr. »1318.) Nos enim iustis et legitimis petitionibus praefati domini Nicolai decani annuentes praedictas literas magistri Johannis de Swerch quondam vicevaivodae Transsiluani de verbo ad verbum transcribi facientes, ipsas transcriptas et sigillo nostro consignatas concessimus ad cautelam et maiorem certitudinem praemissorum. Datum Albae, die dominico proximo post octavas beatorum Petri et Pauli apostolorum, anno domini millesimo quadringentesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 277, 1 auf S. 278 (dortige 2 zu nachfolgender Urkunde).^{^}
[S. 277]
1) Juli 9.^{^}
[S. 278]
1) Vorlage: vaivodae.^{^}