Urkunde Nr. 1278 aus Band III

Seite im UB:

32-33

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

1278

Gilău 1391 April 29 ^a) König Sigmund bestätigt für die Stadt Klausenburg die Urkunde des Königs Ludwig I. von 1364 Nr. »814 mit der Urkunde des Königs Karl von 1331 Nr. »487, betreffend das Verhältnis zum Palatin und Woiwoden, die Ausübung der Gerichtsbarkeit und die Benützung des Waldes Feketeerd.

Von der Kanzlei: Relatio domini Petri episcopi Transiluani.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendantes tenore praesentium significamus quibus expedit universis, quod providi viri fideles nostri Melheer iudex et Hermannus Breuseul cives nostri de Kolosuar suis et universorum civium ac hospitum nostrorum de eadem in personis ad nostrae accedentes praesentiam maiestatis exhibuerunt nobis quasdam literas patentes quondam serenissimi principis domini Lodouici felicis memoriae illustris dicti regni Hungariae regis praedecessoris et soceri nostri, sub sigillo suo maiori postremo literas quondam domini Karoli regis patris sui super variis libertatum eisdem civibus per suam maiestatem gratiose [S. 33] concessarum praerogativis confectas confirmantes tenoris subnotandi, supplicantes nostro culmini prece subiectiva, ut dictas literas patentes regales acceptare et ratificare ac pro ipsis eorumque heredibus et successoribus innovantes dignaremur perenniter confirmare. Quarum tenor is est. (Folgt die Urkunde des Königs Ludwig I. von 1364 Nr. »814 mit der Urkunde des Königs Karl von 1331 Nr. »487.) Nos itaque iustis et iuri consonis dictorum Melheer iudicis et Hermanni civis fidelium nostrorum snpplicationibus ante fatis per ipsos suis et dictorum cunctorum civium et hospitum nostrorum de Kolosuar nominibus nostrae humiliter uti foret antelatum porrectis maiestati pie exauditis pariter et admissis praetaxatas literas regales patentes, non abrasas, non cancellatas nec in aliqua sui parte vitio caliginis offuscatas sed mera veritatis plenitudine praepollentes praesentibusque verbotenus sine diminutione et augmento insertas quoad omnes earum continentias, articulos et clausulas plena auctoritate et potestatis plenitudine nostrae maiestatis acceptamus, approbamus et ratificamus, ac¹⁾ ipsorum¹⁾ civium¹⁾ et¹⁾ hospitum¹⁾ nostrorum¹⁾ fidelitatibus¹⁾ requirentibus ex praelatorumque et baronum regni nostri consilio praematura et sanctione uniformi memoratas literas regales simul cum praemissis cunctis libertatum praerogativis in tenore ipsarum superius latius explicatis pro ante fatis civibus et hospitibus nostris eorumque heredibus et cunctis successoribus ex nostra certa scientia perenniter innovantes perpetue valituras confirmamus praesentium patrocinio mediante. Datum in villa Gyalo. Sabbato proximo post festum beati Georgii martyris, anno domini M^o CCC^o nonagesimo primo.

Unter dem Siegel: Relatio domini Petri episcopi Transiluani.


a) Ausstellungsort im UB als: Gyalu.^{^}

1) Fehlt in der Vorlage [7x].^{^}