Urkunde Nr. 1226 aus Band II

Seite im UB:

621-623 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1226

1388 Februar 8 Das Weissenburger Kapitel schaltet die Urkunde des Königs Sigmund von 1387 Nr. »1220 ein und berichtet dem Könige, dass die Adligen von Gyogy und Lucia, die Gattin Ladislaus' von Szentbenedek, in Betreff Benczencz' und einiger anderer Besitzungen vorgeladen worden sind.

[S. 622] Excellentissimo principi domino Sigismimdo dei gratia illustri regi Hungariae, Dalmaciae, Croaciae et cetera ac marchioni Brandenburgensi et cetera domino ipsorum naturali capitulum ccclesiae Transsiluanae orationum suffragia devotarum cum perpetua fidelitate. Literas vestrae maiestatis sub magno et authentico sigillo confectas honore quo decuit recepimus in haec verba. (Folgt die Urkunde des Königs Sigmund von 1387 Nr. »1220.) Nos enim mandatis vestrae sublimitatis obedire cupientes ut tenemur una cum Blasio filio Kyliani homine vestro nostrum hominem videlicet discretum virum dominum Briccium archidiaconum de Zathmar socium et concanonicum nostrum ad praemissa mandata vestra fideliter exequenda duximus transmittendum. Qui demum ad nos reversi nobis unanimiter et concordi voce retulerunt, quod ipsi sexta feria proxima post festum purificationis virginis gloriosae¹⁾ ad facies possessionis Benchench accessissent ac vicinis et commetaneis eiusdem undique legitime convocatis ipsisque praesentibus, dum eandem nobilibus dominabus Magdalenae et Annae filiabus filiarum Michaelis de Kelnek ac Nicolao et Andreae filiis Gregorii necnon Johanni filio Johannis statuere voluissent, Emericus et Thomas filii Andreae, Michael filius Ladislai et Stephanus filius Lucae nobiles de Gyog huic statutioni contradictores exstitissent, demum diebus sequentibus ad fadem possessionis Rengelkyrch veniendo statutioni medietatis trium partium et unius quartae praedicti nobiles de Gyog simili modo contradixissent, in possessione Gergerfaya a statutione medietatis eiusdem memorati nobiles de Gyog prohibuissent, ultimo in possessione Vereseghaz statutioni medietatis eiusdem a parte fluviorum ac possessionis Bolgarfalu supra nominatis nobiles praedicti contradictores exstitissent, quos in facie earundem possessionum et eisdem diebus contra memoratas nobiles dominas Magdalenam et Annam ac Nicolaum et Andream filios Gregorii necnon Johannem filium Johannis ad praesentiam vestrae maiestatis citassent ad octavas mediae quadragesimae proxime nunc venturas²⁾ rationem contradictionis eorum reddituros, possessiones autem et portiones possessionarias, super quibus prohibitio et contradictio non exstitisset, praenominatis dominabus Magdalenae et Annae ac Nicolao et Andreae filiis Gregorii necnon Johanni filio Johannis ac ipsorum heredibus iure et titulo, quibus ad ipsos dignoscebantur pertinere, perpetuo statuissent possidendas. Datum Sabbato proximo ante octavas festi eiusdem purificationis virginis gloriosae, anno domini M^mo CCC^mo LXXX^mo octavo. Nobilis autem domina Lucia nunc consors Ladislai de Belenik a statutione omnium suarum portionum possessionariarum et iurium, quas et quae habet in paenominatis possessionibus, publice et manifeste prohibuisset, quam quidem dominam Luciam contra praenominatos nobiles et dominas ad praesentiam vestrae maiestatis citassent ad easdem octavas mediae quadragesimae proxime nunc venturas²⁾ rationem contradictionis reddituram. Datum ut supra.

Auf der Rückseite Adresse: Excellentissimo principi domino Sigismundo dei gratia illustri regi Hungariae et cetera pro nobilibus dominabus Magdalena [S. 623] et Anna ac Nicolao et Andrea filiis Gregorii necnon Johanne filio Johannis contra Emericum et Thomam filios Andreae, Michaelem filium Ladislai et Stephanum filium Lucae necnon dominam Luciam consortem Ladislai de Belenek ad octavas mediae quadragesimae.¹⁾ Citatoriae.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 622, 1 auf S. 623 (sowohl hier wie auch in nachfolgender Nr. »1228 verwendet).^{^}
[S. 622]
1) Februar 7.^{^}
2) März 11. [2x].^{^}
[S. 623]
1) März 11.^{^}