Urkunde Nr. 1228 aus Band II

Seite im UB:

623-626 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1228

Weissenburg 1388 Mai 15 Emerich, Bischof von Siebenbürgen, erklärt die letztwilligen Verfügungen Annas, der Tochter Michaels von Kelling, für nichtig, spricht Annas hinterlassene Besitzungen und Besitzrechte Anna, der Tochter Ladislaus' von Kelling, zu und leitet diesen Urteilsspruch zur Überprüfung an die als Reichsgericht in kirchlichen Angelegenheiten amtierenden Praelaten.

Nos Emericus divinae dispensationis munimine et sedis apostolicae gratia episcopus Transsiluanus memoriae commendantes tenore praesentium ad notitiam deducimus universorum, quod cum nobilis domina Anna vocata consors magistri Johannis filii Nicolai ratione contradictionis per nobilem dominam Lucia vocatam consortem Ladislai de Benenyk super statutione possessionum et possessionariarum portionum in Vingardch, Bybow, Hemnyghfalua, Spryng, Drassow, Benchench, Wereseghaz et Rengankyrh, Gergerfalua, Kuth et Demeterpathaka vocatis habitarum iuxta continentiam literarum regalium statutoriarum pro tunc fieri debenda factae praedictam dominam Luciam ad octavas medii quadragesimae nunc praeteritas¹⁾ ad praesentiam regiae maiestatis iuxta seriem literarum relatoriarum honorabilis capituli ecclesiae nostrae Transsiluanae in causam attraxisset, et ipsa causa per examen magnifici viri domini Ladislai vaivodae Transsiluani suis literis mediantibus in nostram praesentiam pro eius evidentia et discussione ex eo, quia iudicium seu forum concernebat ecclesiasticum, exstitit transmissa et [S. 624] prorogata, diversis tandem prorogationum cautelis intervenientibus primo ad feriam secundam proximam ante festum beati Georgii martyris nunc praeteritum¹⁾ exstitit prorogata, ipso termino adveniente Blasius filius Kyliani de Rakus in persona iam dictae dominae Annae consortis magistri Johannis filii Nicolai cum legitimis procuratoriis literis astitit contra nobilem dominam Lucia vocatam consortem Ladislai de Benenyk, pro qua idem magister Ladislaus dominus et maritus suus cum legitimis procuratoriis literis dominorum de capitulo comparuit, iuxta continentiam priorum literarum nostrarum prorogatoriarum proposuit coram nobis in hunc modum, quod esset filia Ladislai de Kelnek ipsaque scire vellet, qua ratione seu cautela ac quibus instrumentis possessionarias portiones quondam Mychaelis filii Mychaelis patruelis sui in praedictis possessionibus videlicet Vingardch, Byrbow, Henmychfalua, Spring, Drassow, Benchench, Wereseghaz, Rengenkyrch, Gergerfalua, Kuth et Demeterpataka vocatis habitas ipsa domina Lucia possideret, ab eadem exhibere postulabat coram nobis. Quo percepto praeintitulatus Ladislaus de Benenyk dominus et maritus praefatae dominae Luciae pro tunc in persona eiusdem se respondere non posse allegabat nosque ipsis ulteriorem terminum ad respondendum duximus assignandum. Quo quidem termino adveniente praetactus Ladislaus in persona coniugis suae nomine procuratorio respondit ex adverso, quod easdem possessionarias portiones, quas pro nunc domina ipsa Lucia in praedictis possessionibus haberet et possideret, ex testamentaria dispositione quondam nobilis puellae Anna vocatae filiae suae a quondam Mychaele de Kelnek primo suo marito procreatae sibi devenissent et condescendissent ipsamque hac ratione possidere easdem portiones possessionarias allegabat et denuo ipsam causam pro definitiva²⁾ sententia audienda et per nos ferenda ad feriam sextam proximam ante festum Penthecostes nunc venturum³⁾ duximus prorogandam. Ipso termino adveniente partibus coram nobis comparentibus sententiam definitivam⁴⁾ per nos fieri instanter postulabant. Nos itaque visis partium propositionibus et responsionibus, quamquam praelibatus magister Ladislaus de Bennyk in persona iam dictae dominae Luciae nunc consortis suae instrumentis sufficientibus et etiam probationibus evidentibus coram nobis demonstraverit luculenter, quod memorata quondam Anna puella filia Mychaelis de Kelnek universas suas portiones possessionarias ac universas bona et res tam iure naturae quam etiam titulo emptionis et successorio ipsam in praedictis possessionibus contingentes praeintitulatae dominae Luciae matri suae testamentaliter legavisset, tamen quia praetactae possessionariae portiones praefuerunt quondam Mychaelis filii Danielis de Kelnek avi ipsorum, a quo quidem avo praetactae domina Anna filia quondam Ladislai de Kelnek et quondam altera Anna puella filia quondam Mychaelis de eadem tamquam e radice processerunt et ab hac possessiones et possessionarias portiones praelibati Mychaelis filii Danielis avi ipsarum ad eosdem iure naturae et successorio aequaliter condescenderunt et exstiterunt [S. 625] derivatae, etiam quia non reperimus, quod inter praelibatas nobiles dominam Annam et alteram Annam puellam divisio perpetualis fuisset celebrata sed quaedam partitio temporalis in praetactis possessionariis portionibus ipsas contingentibus facta exstitisset, ideo visis diligenter et inspectis omnibus et singulis propositionibus, responsionibus, literis et attestationibus in praedicta causa factis et exhibitis, fratrum nostrorum dominorum de capitulo nostrae ecclesiae Transsiluanae, de nostrorum coassessorum et coauditorum consilio et assensu Christi nomine invocato pro tribunali sedentes solum deum et eius iustitiam prae oculis habentes decernimus, pronunciamus et declaramus definitive sententionaliter, quod praedicta quondam nobilis puella Anna vocata de praedictis possessionariis portionibus a quondam Mychaele filio Danielis de Kelnek ad ipsam redundatis in praeiudicium dominae Annae filiae Ladislai filii Mychaelis de Kelnek de iure non potuit facere testamentum, sed quod eaedem possessionariae portiones ad ante dictam dominam Annam filiam Ladislai iure successorio condescendi debeant et derivari ipsasque praedictas portiones possessionarias quovis titulo ad praefatam quondam Annam puellam redundatas eidem dominae Annae adiudicando decernimus per nostram definitivam sententiam per ante dictam dominam Annam debere possidere, tenere pariter et habere et per eam suis heredibus heredumque suorum successoribus devolvi et redundari hoc adiecto, quod si praelibatus Mychael filius Mychaelis de Kelnek et domina Lucia relicta eiusdem in praedictis possessionibus aliqua aedificia de novo suis expensis et laboribus erigere fecisset, vineas in facie praedictarum possessionum similiter suis expensis comparasset, sin etiam quascumque possessiones seu hereditates quoquomodo vocatas praeintitulatus Mychael titulo emptionis acquisivisset, ex tunc eaedem possessiones seu hereditates et vineta ac etiam aedificia de novo erecta et fundata ad praedictam quondam nobilem puellam iure naturae et successorio condescenderunt, de quibus quondam praetacta Anna puelia potuit facere testamentum et easdem legare potuit dominae Luciae matri suae praenotatae, pro quorum valore aedificiorum de novo per ante dictum quondam Mychaelem cum praedictis possessionibus erectorum¹⁾ iuxta aestimationem proborum virorum ante dicta domina Anna eidem dominae Luciae satisfacere teneatur et ipsam vineam ut dicitur duodecim iugerum in facie possessionis Vingardch plantatam ac insuper alias portiones possessionarias in vineis aut aliis hereditatibus propriis expensis et Laboribus ante dicti Mychaelis filii Mychaelis et dominae Luciae relictae suae emptas, comparatas et acquisitas praelibata domina Anna remittere debeat eidem dominae Luciae et reassignare teneatur absque strepitu iudicii et contradictione aliquali, et quia super huiusmodi nostra sententia non utraque partium contentabatur, ideo de clariori evidentia et de sententia per nos lata consulendum et inquirendum in praesentiam praelatorum iustitiariorum ecclesiasticorum regni eandem causam partes iam dictae per nos transmitti postularunt, quas transmittimus harum nostrarum testimonio literarum in quantum iuris admittit sententia et mandatum ad octavas festi nativitatis beati Johannis baptistae [S. 626] proxime affuturas¹⁾ coram eisdem praelatis et regni iustitiariis pro termino comparendi partibus assignando. Datum Albae Gyulae, in praefata sexta feria ante festum Pentechostes, anno domini M^mo CCC^mo LXXX^o octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 623 (sowohl hier wie auch in voranstehender Nr. »1126 verwendet), 1-4 auf S. 624, 1 auf S. 625, 1 auf S. 626.^{^}
[S. 623]
1) März 11.^{^}
[S. 624]
1) April 20.^{^}
2) Vorlage: diffinitiva.^{^}
3) Mai 15.^{^}
4) Vorlage: diffinitivam.^{^}
[S. 625]
1) Vorlage: erctarum.^{^}
[S. 626]
1) Juli 1.^{^}