Urkunde Nr. 1151 aus Band II

Seite im UB:

547-548

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1151

Harsan 1381 Oktober 11 König Ludwig I. schaltet die Urkunde des Kolozsmonostorer Konventes von 1381 Nr. »1150mit der Urkunde des Königs Ludwig I. von 1381 Nr. »1149ein und erklärt die Adligen von Dezmer und Szamosfalva in ihrer Streitsache mit der Stadt Klausenburg für sachfällig.

Nos Lodouicus dei gratia rex Hungariae, Poloniae, Dalmaciae et cetera damus pro memoria, quod Nicolaus filius Thomae iudex et Georgius cives nostri de Cluswar pro civibus et hospitibus nostris de eadem cum procuratoriis literis eiusdem civitatis contra Mykola et Ladislaum filios Johannis de Dezmer ac Thomam filium Kemen de Zamusfalua iuxta continentias literarum conventus monasterii beatae virginis de Clusmonostra ad nostrum literatorium mandatum nobis rescriptionalium in octavis festi [S. 548] beati Mychaelis archangeli nunc praeteriti¹⁾ sine crastinatione in nostram et dominae reginae consortis nostrae carissimae praelatorumque et baronum nostrorum praesentiam accedentes praefatas literas antelati conventus nobis exhibuerunt hunc tenorem continentes. (Folgt die Urkunde des Kolozsmonostorer Konventes von 1381 Nr. »1150mit der Urkunde des Königs Ludwig I. von 1381 Nr. »1149.) Unde quia praefati nobiles de Dezmer et de Zomusfalua in dictis octavis¹⁾ iuxta continentias praefatarum literarum annotati conventus rescriptionalium in praesentia ipsius dominae reginae, prout ex dicta nostra literatoria commissione debuissent, nec personaliter comparere nec pro se ipsis aliquem transmittere curarunt legitimis diebus earundem octavarum¹⁾ eisdem Nicolao iudice et Georgio civibus nostris coram ipsa domina regina praelatisque et baronibus nostris exspectantibus, ideo ipsos nobiles contra eosdem cives et hospites nostros in iudiciis commisimus fore convictos si se rationabiliter non poterunt excusare. Datum in villa Harsan, sexto die octavarum festi beati Mychaelis archangeli praedictarum, anno domini M^mo CCC^mo LXXX^mo primo praenotato.

Unter dem Siegel: Pro civibus et hospitibus nostris de Cluswar contra nobiles de Dezmer et de Zamusfalua intra scriptis iudicialis.


1) Oktober 6 [3x].^{^}