Urkunde Nr. 1128 aus Band II

Seite im UB:

527

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73765 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 235.

Druckvorlage:

nach Original

Abdruck als:

Volltext

Sprache:

Latein

---

1128

1380 Mai 6 Das Weissenburger Kapitel schaltet die Urkunde des Woiwoden Ladislaus von 1380 Nr. »1119 ein und berichtet dem Woiwoden über die Begehung der Grenzen der Besitzungen Csepan, Olahnemeti und Somkerek einerseits und der Besitzung Fatendorf andererseits.

Magnifico viro domino Ladislao vaivodae Transiluano et comiti de Zonuk amico ipsorum capitulum ecclesiae Transiluanae debitam amicitiam cum honore. Literas vestrae magnificentiae nobis directas recepimus in haec verba. (Folgt die Urkunde des Woiwoden Ladislaus von 1380 Nr. »1119.) Nos itaque iustis et legitimis petitionibus vestris annuentes cum praedicto Stephano dicto Vos pro parte praedicti actoris homine vestro nostrum hominem videlicet magistrum Ladislaum socium et concanonicum nostrum, cum praefato vero Johanne filio Jacobi de Zylkerek pro parte praefati in causam attracti magistrum Michaelem similiter socium et concanonicum nostrum pro testimonio fide dignos ad praemissa peragenda duximus transmittendos. Qui demum ad nos reversi nobis concorditer retulerunt, quod ipsi tertio die festi beati Georgii martyris nunc proxime praeteriti¹⁾ et aliis diebus ad id aptis ad facies praenominatarum possessionum partium utrarumque vicinis et commetaneis suis universis legitime inibi convocatis et partibus praesentibus accedendo primo praedictas possessiones Chepan, Nemeth et Sumkerek vocatas ipsius actoris a parte praefatae possessionis Ffata in causam attracti per metas et cursus metales per ipsum actorem ostensas et deraonstratas signis metalibus consignando reambulassent, demum vero praenotatam possessionem Ffata in causam attracti similiter per metas et cursus metales per praedictum in causam attractum ex parte praetactarum possessionum Chepan, Nemeth et Sumkerek ostensas et demonstratas modo simili reambulassent et signis metalibus consignassent. Quibus quidem reambulationibus factis partes praedictae super facto eorundem arbitrio decem proborum et nobilium virorum per easdem partes ibidem electorum se submisissent, ipsique decem nobiles viri licet inter ipsas partes arbitrando concordiam facere incepissent, tamen²⁾ demum iidem decem viri nobiles arbitrantes inter se per omnia discrepantes nullo modo concordare potuissent et sic indeterminato negotio seu facto deinde recessissent. Datum die dominico proximo post festum ascensionis domini, anno eiusdem praenotato.

Auf der Rückseite, auf dem untern Rande vom Schreiber der Urkunde:Sca beane.³⁾ [S. 528]


1) April 26.^{^}
2) Hierauf durchgestrichen: iidem.^{^}
3) Auf a folgen zwei Normalschäfte: n oder u.^{^}