Urkunde Nr. 1040 aus Band II

Seite im UB:

437-438

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

1040

Klausenburg 1375 August 12 König Ludwig I. befiehlt dem Woiwoden Stephan und Genossen, die Stadt [Desch / ] Dees im Besitz ihrer durch Peter, den Pleban von Bistritz, festzustellenden Hattertgrenzen nicht zu stören.

Lodouicus dei gratia rex Hungariae, Poloniae, Dalmaciae et cetera fideli suo magnifico viro Stephano vaivodae Transsiluano vel ipsius castellanis de Baluanus et de Chichow salutem et gratiam. Significant nobis cives et hospites nostri de Deswar, quod [vos] ipsos in illis terris et metis eorum, quas quondam dominus Ladislaus episcopus Wesprimiensis homo noster specialis visis eorum iuribus et instrumentis literalibus ipsis et eorum usui coramisisset nostra in persona, nimium perturbaretis, immo ab usu earundem terrarum prohiberetis indefesse manu potenti et violenta et quibusdam hominibus easdem et eorum usui applicassetis. Verum quia nos ad revidendum et rectificandum praemissas metas et terras litigiosas hono- [S. 438] randum virum dominum Petrum plebanum Biztricyensem capellanum nostrum specialem de curia nostra specialiter duximus transmittendum nostra in persona, fidelitati ideo vestrae firmissime praecipimus et districte, quatenus re[visioni], rectificationi et dispositioni ipsius hominis nostri in praemissis faciendis nostra in persona parere et [obtemperare stu]deatis pleno cum effectu adeo, ut ea quae idem homo noster in factis ipsarum terrarum et metarum [litigiosarum] ordinaverit et disposuerit inviolabiliter studeatis observare, aliud non facturi. Et hoc idem [iniun]gimus futuris vaivodis et eius castellanis de castris praefatis similibus sub praeceptis. Datu[m in] Cluswar, tertio die festi beati Laurencii martyris, anno domini M^mo CCC^mo LXX^o V^to.

Unter dem Siegel Kanzleibemerkung.