Urkunde Nr. 1773 aus Band III

Seite im UB:

661-662

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

1773

1415 Juni 21 Das Weissenburger Kapitel schaltet die Urkunde des Königs Sigmund von 1415 Nr. »1770 ein und bezeugt, dass die Gemeinden Baassen und Wölz fünf Grenzzeichen zerstört haben.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas serenissimi principis domini Sigismundi dei gratia illustris regis Romanorum semper augusti ac Hungariae et cetera regis honore quo decuit recepimus in haec verba. (Folgt die Urkunde des Königs Sigmund von 1415 Nr. »1770) Nos enim mandatis praefati domini nostri regis obedire cupientes, ut tenemur, ad praemissa sua mandata fideliter exequenda honorabilem virum magistrum Johannem socium et concanonicum nostrum duximus transmittendum. Qui demum exinde ad nos reversus nobis retulit eo modo, quod [S. 662] ipse in festo beati Barnabae apostoli¹⁾ termino videlicet per praedictos populos et hospites de Bozna et Velch ad id electo et statuto ad faciem praedictarum particularum terrarum ac silvarum et pratorum intra veras metas possessionum Bozna et Welch habitarum accessisset, ibique vicinis et commetaneis earundem particularum terrarum ac silvarum et pratorum circumquaque legitime convocatis ipsisque praesentibus praedicti populi et hospites de Bozna et²⁾ de Welch iuxta continentiam praescriptarum literarum regalium coram ipso homine nostro pro nostro testimonio iuxta regium mandatum per nos ad id transmisso quinque metas intra gyrum praenotatarum veterum metarum ac renovatarum et de novo erectarum repertas rupissent, dispersissent et abolevissent. Datum sexta feria proxima ante festum nativitatis beati Johannis baptistae, anno domini millesimo quadringentesimo decimo quinto. Honorabilibus et discretis viris dominis Georgio Lepes praeposito, Johanne cantore, Johanne custode et Blasio Siculo archidiacono de Wgucha decano canonicis ecclesiae nostrae existentibus.


1) Juni 11.^{^}
2) Fehlt im Orig. nach Angabe der Vorlage.^{^}