Urkunde Nr. 1737 aus Band III

Seite im UB:

604-606 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1242 - Abt.42: K. A. Stolzenburg [Parohia Ev. CA Slimnic], Nr. 6.

Druckvorlage:

nach Original

Abdruck als:

Volltext

Sprache:

Latein

---

1737

Hermannstadt 1414 Juli 3 Die Notare Stephan Nicolai und Stephan Johannis Rasteter beglaubigen für Michael, den Pfarrer von Stolzenburg, den Wortlaut der Verhandlungen des Hermannstädter Kapitels von 1409 Nr. »1637, betreffend den Zehntstreit zwischen dem genannten Michael einerseits und zwischen Nikolaus, dem Pfarrer von Salzburg, andererseits.

In nomine domini amen. Anno nativitatis eiusdem M^o CCCC^o quarto decimo, indictione septima, die vero tertia mensis Julii, hora nonarum vel quasi, pontificatus sanctissimi in Christo patris et domini nostri, domini Johannis divina providentia papae XXIII anno quarto,²⁾ Cybinii in superiori palatio domus habitationis honestae matronae relictae olim Laurencii sartoris, [S. 605] ubi capitulum Cybiniense solet celebrari, coram honorabili viro magistro Christanno vicedecano totoque capitulo Cybiniensi Strigoniensis diocesis ac in mei notarii publici et testium infra scriptorum praesentia personaliter constitutus honorabilis vir dominus Michael rector parochialis ecclesiae sancti Bartholomei de Stolczenburg eiusdem diocesis praefatis magistro Christanno vicedecano et capitulo Cybiniensi humiliter supplicavit, ut ipsi causa iuris et iustitiae observantia¹⁾ sibi extractum de libro actorum dicti capituli Cybiniensis super certis decimis novalibus et campis videlicet Stynkenbrvn et Rungenmuld in causa seu causis inter ipsum dominum Michaelem plebanum de Stolczenburg parte ab una et dominum Nicolaum plebanum de Salisfodio parte ex altera conscripto decerneret atque daret cum effectu, quod huiusmodi extractum faceret vel facere posset tam in iudicio quam extra ubilibet plenam fidem. Praefatusque magister Crisstannus reputans petitionem dicti domini Michaelis fore et esse rationabilem et iustam, auctoritate sibi commissa in hac parte super omnibus et singulis praemissis ex officio suo eidem domino Michaeli plebano de Stolczenburg extractum de libro actorum superius petitum dandum fore et dare debere annuit et decrevit cum effectu. Quod quidem extractum ego Stephanus notarius publicus infra scriptus de libro actorum praedicti capituli Cybiniensis nil addens vel minuens, quod sensum mutet vel variet intellectum, transcripsi fideliter per omnia in haec verba. (Folgt der Wortlaut der Verhandlungen des Hermannstädter Kapitels von 1409 Nr. »1637.) Super quibus quidem omnibus et singulis praemissis praefatus dominus Michael plebanus de Stolczenburg me notarium publicum infra scriptum meum super hoc invocans officium cum debita instantia requisivit petens, ut sibi huiusmodi extractum de libro actorum per capitulum approbatum, datum et concessum ex commissa auctoritate memorati magistri Christanni vicedecani et capituli Cybiniensis registrarem et transsumerem et in publicam formam redigerem ad cautelam, quod et feci. Acta sunt haec anno, indictione, die mensis, hora, pontificatu et loco quibus supra. Praesentibus honorabilibus viris Andrea Michaelis presbytero de Luschkirch, Johanne presbytero de Ruffo monte et Laurencio Laurencii sartoris literato de Cybinip testibus fide dignis Strigoniensis diocesis ad praemissa vocatis specialiter et requisitis.

Notarzeichen mit der Inschrift: Stephanus.
Et ego Stephanus Nicolai de Olomucz clericus eiusdem diocesis publicus auctoritate sacri imperii Stephanus. notarius approbatus, quia dictis extracti petitioni et commissioni ac omnibus aliis et singulis praemissis dum sic ut praemittitur agerentur et fierent una cum praenominatis testibus praesens interfui eaque omnia et singula sic fieri vidi et audivi et dictum extractum de libris actorum de mandato et commissione speciali dicti domini Cristanni et capituli Cibiniensis me aliis certis et arduis praepeditum negotiis per alium fidelem conscribi procuravi, hic me propria manu subscripsi [S. 606] et in hanc publicam formam redegi meisque signo et nomine solitis et consuetis roborando signavi rogatus personaliter in fidem et evidens testimonium omnium et singulorum praemissorum.

Notarzeichen mit der Inschrift: Stephanus Johannis Rasteter.
Et ego Stephanus Johannis dicti Rasteter de Noua civitate clericus Salczburgensis diocesis sacra imperiali auctoritate notarius publicus, quia dictis extracti petitioni et commissioni ac¹⁾ omnibus aliis et singulis praemissis, dum sic ut praemittitur fierent et agerentur, una cum dicto notario publico et testibus supra nominatis etiam praesens interfui eaque omnia et singula sic fieri vidi et audivi et dictum extractum de libro actorum per capitulum Cybiniense approbato de mandato et commissione speciali praedicti domini Cristanni et capituli Cybiniensis, sed²⁾ me aliis certis et arduis negotiis praepeditum, per supra dictum notarium publicum conscribi et in publicam formam redigi³⁾ procuravi, hic me propria manu subscripsi meisque signo et nomine solitis et consuetis ad maiorem evidentiam roborando signavi rogatus personaliter in fidem et evidens testimonium requisitus omnium et singulorum praemissorum. ^b)


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 604 (1 zu voranstehender Urkunde), 1 auf S. 605, 1-3 auf S. 606 (in zweiter Notarunterschrit).^{^}
b) Die Unterfertigungen der beiden Notare im UB jeweils in nach rechts eingerückten Textblöcken.^{^}
[S. 604]
2) Richtig: quinto.^{^}
[S. 605]
1) Vorlage: observacia.^{^}
[S. 606]
1) Fehlt in der Vorlage.^{^}
2) So Vorlage.^{^}
3) Vorlage: redegi.^{^}