Urkunde Nr. 1696 aus Band III

Seite im UB:

552-553 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 55.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1696

Hermannstadt 1412 September 17 Stibor, Woiwode von Siebenbürgen, bezeugt den Vergleich zwischen dem Kronstädter Distrikt und den sieben Stühlen, betreffend den Handel mit Wollstoffen, Leinwand, Barchent, Wein, Honig, Wachs und allen sonstigen Waren und erklärt den genannten Vergleich für rechtskräftig.

Stiborius¹⁾ vaivoda Transsiluanensis et comes de Solnuk necnon Nitriae, Triciniae Borschodiensisque²⁾ comes, totius fluvii Wag dominus harum serie literarum ad notitiam universorum tam praesentium quam futurorum volumus pervenire, quod cum nos una cum reverendo in Christo patre domino Stephano episcopo ecclesiae Transsiluanensis una cum magnificis viris dominis Pipone de Ozora, comite de Themeswar, et Mychaele filio Salamonis de Nadasch, comite Siculorum, ac strenuis militibus Ladislao de Nadab vicevaivoda nostro et Thoma dicto Farkas et cum aliis quampluribus nobilibus et senioribus partium praemissarum³⁾ de mandato serenissimi principis et domini nostri gratiosissimi domini Sigismundi Romanorum regis⁴⁾ semper augusti et Hungariae et cetera regis plenaria suae maiestatis suffulti potentia et auctoritate lites partium praemissarum³⁾ et guerras quaslibet finali decisione iuridice iudicandas, terminandas et quaslibet causas reformandas et cum nos circa festum corporis Christi⁵⁾ anni praesentis in civitatem Cibiniensem pervenissemus,⁶⁾ causam inter providos viros magistrum civium, seniores, comites, iudices, iuratos et totam communitatem ac mercatores⁷⁾ civitatis Cibiniensis et septem sedium partium praemissarum parte ab una et inter comitem, iudices et seniores et totam communitatem mercatorum de civitate et de districtu Brassouiensi litigiose multis temporibus vertentem parte ab altera super incisione et venditione ulnatim pannorum, staminum et telae barhani et aliarum rerum ulnatim vendentium item super emendis vinis et vendendis urnatim et melle necnon cera et aliis ponderosis diutius ventilata, de quibus causis plurima damna et incommoda per diversas arestationes, prohibitiones partibus utrisque fuerint illata sed partibus utrisque consentientibus et arbitrantibus maturo ipsorum praehabito consilio in talem [S. 553] coram nobis devenissent decisionem,¹⁾ quod in festo exaltationis sanctae crucis²⁾ anni ut supra praesentis Brassouienses cum centum viris providis pro sua et ipsorum libertate iuramentum in dicta civitate Cibiniensi deponere et praestare deberent. Termino vero videlicet festi exaltationis sanctae crucis²⁾ superveniente nos in civitate praemissa cum nostro vicevaivoda Ladislao ac cum plurimis partium praemissarum nobilibus et senioribus constituti.³⁾ Partibus vero utrisque comparentibus de benevola⁴⁾ utrarumque partium voluntate nostram ordinationem et petitionem iuramentum centum personarum Brassouiensium, qui ibidem personaliter praesto fuerant et parati,⁵⁾ magister vero civium, seniores civitatis Cibiniensis et septem sedium indulserunt⁶⁾ integre, pure et amicabiliter relaxarunt annuentes, quod universi mercatores et populi Brassouienses communiter et singulariter prout ipsimet magister civium, seniores et tota communitas mercatorum civitatis et sedis Cibinii necnon septem sedium⁷⁾ qua funguntur libertate in nundinis civitatum, oppidorum, villarum, possessionum et foris hebdomadalibus⁸⁾ in singulis et universis locis partium praemissarum forensibus et aliis eadem in incisione pannorum et telarum, barhanorum et aliarum rerum ulnatim venditioni exponentium et vendentium, similiter vinum, mel et alia, quae urnatim vendere sunt consueta, ac ceram et omnia alia mercimonia ponderosa vel mensurosa vel quoviscumque titulo vel nomine censeantur nihil praetermisso frui debeant vendendi, emendi, permutandi et in usus proprios, quos voluerint, liberam in civitate et in districtu Cibiniensi et septem sedium ac universis et singulis locis partium Transsiluanensium omnimodam et plenariam habeant facultatem contradictione qualibet non obstante. Similiter universi et singuli mercatores et cuiuscumque conditionis homines de civitate et sede Cibiniensi et septem sedium⁷⁾ in civitate et in districtu Brassouiensi eandem omnimodam qua ipsi Brassouienses utuntur pace frui et uti habere debeant libertatem. Ad quae omnia se partes praemissae coram nobis obligarunt aevis nuncque temporibus perpetue alter utrum conservare. Nos vero praemissam ipsorum ordinationem et concordiam et compositionem, statutionem utrarumque partium benevola voluntate, auctoritate regiae maiestatis praevia nobis in hac parte concessa approbamus, ratificamus, affirmamus perpetuis et aevis temporibus servandam et irrevocabiliter tenendam. In cuius rei firmitatem perpetuam praesentes dedimus maiori sigillo nostro sub appenso. Datum loco ut supra, Sabbato proximo post festum exaltationis sanctae crucis, anno domini millesimo quadringentesimo duodecimo. [S. 554]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-7 auf S. 552, 1-8 auf S. 553.^{^}
b) UB verschrieben: 1440.^{^}
[S. 552]
1) Kleine verlängerte Schrift. ^{^}
2) So Vorlage. ^{^}
3) Scilicet: Transsiluanensium. [2x]^{^}
4) Vorlage: necnon.^{^}
5) Juni 2. ^{^}
6) Scilicet: cum nos una cum Stephano episcopo et cum magnificis viris ac strenuis militibus et cum aliis quampluribus suffulti potentia et auctoritate regiae maiestatis ad lites et guerras partium Transsiluanensium iudicandas et terminandas et ad causas illarum partium reformandas in civitatem Cibiniensem pervenissemus. ^{^}
7) Vorlage: mercatoribus.^{^}
[S. 553]
1) Scilicet: causa inter communitatem civitatis Cibiniensis et septem sedium ab una et communitatem civitatis et districtus Brassouiensis parte ab altera vertente diutius ventilata, de quibus causis plurima damna et incommoda partibus utrisque furint illata, eaedem communitates partibus utrisque consentientibus in talem devenissent decisionem.^{^}
2) September 14. ^{^}
3) Scilicet: eramus.^{^}
4) Gebessert aus: benivolentia.^{^}
5) Scilicet: ad deponendum iuramentum.^{^}
6) Scilicet: Cibinienses et septem sedes indulserunt iuramentum per nostram ordinationem et petitionem de benevola utrarumque partium voluntate Brassouiensibus commissum.^{^}
7) Vorlage: sidium. [2x]^{^}
8) da über der Zeile nachgetragen. ^{^}