Urkunde Nr. 1205 aus Band II

Seite im UB:

601-602

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 10.

Druckvorlage:

nach Original

Abdruck als:

Volltext

Sprache:

Latein

---

1205

Ofen 1385 November 25 Königin Maria untersagt dem Comes der Szekler beziehungsweise dessen Stellvertreter die Bedrückung der Kronstädter und Burzenländer Sachsen durch unrechtmässige Ansprüche in Betreff der Bewirtung, der Naturallieferungen und der Gerichtsbarkeiten.

Maria dei gratia regina Hungariae, Dalmaciae, Croaciae et cetera fidelibus suis comiti Siculorum nostrorum et vicecomiti eiusdem salutem et gratiam. Noveritis quod Stephanus dictus Vrdugh, item Martinus et Stephanus dictus Sood ac Nicolaus dictus Gretel cives civitatis nostrae Brassouiensis suis et aliorum fidelium civium de eadem necnon universorum Saxonum nostrorum de Burcya in personis in nostram et serenissimae principis dominae Elyzabeth eadem dei gratia reginae Hungariae, Poloniae, Dalmaciae et cetera genetricis nostrae carissimae venientes praesentiam nostrae maiestati detexerunt querulose, quomodo vos eosdem in ipsorum antiquis libertatibus ac pristinis bonis consuetudinibus, quibus ipsi ab olim videlicet a temporibus sanetorum et aliorum Hungariae regum, specialiter tempore olim excelsi principis domini Lodouici regis Hungariae genitoris nostri beatae memoriae [S. 602] freti fuissent et gavisi, nolletis indemnes conservare varias novitates ad ipsorum medium inducentes praesertim in creberrimis descensibus per vos in eorum medio faciendis necnon frequentibus victualium receptionibus ac etiam in sede vestra iudiciaria per novorum iudiciorum et inconsuetarum legum introductionibus intolerabiles tribulationes ipsis inferretis in praeiudicium libertatis eorundem praenotatae. Verum cum nos sicut ceteris fidelibus regni nostri incolis spopondisse perhibemur, ut eos¹⁾ antiqua eorum libertate volumus congaudere, sic non minus eosdem fideles cives et Saxones nostros in dicta Burcya constitutos propter ipsorum fidelitates et obsequiorum eorundem laude digna merita, quibus iidem semper sacrae coronae regiae cum omni fidelitatis constantia praefuisse et nunc existere dignoscuntur, in omnibus ipsorum libertatibus et pristinis bonis consuetudinibus praesertim privilegiatis indemnes et illaesos volumus conservare, fidelitati vestrae praesentibus praecipimus firmissime omnino volentes, quatenus a modo in antea praefatos fideles cives et Saxones nostros ac quemlibet eorum in omnibus ipsorum libertatibus, immunitatibus et libertatum praerogativis signanter privilegiatis, quibus a temporibus superius expressis usi fuissent et gavisi, indemnes et illaesos ac sine omni novitate misericorditer conservantes uti pacifice permittatis et gaudere nullum praeiudicium in dictis rebus vestris descensibus, superfluis victualium receptionibus, inconsuetis iudiciis in dicta sede vestra iudiciaria faciendis eisdem inferentes modo aliquali, ut iidem sicut numero sic et fidelitate augeantur, aliud sicut nostri regii mandati transgressores effici pertimescitis non facturi in praemissis. Et hoc idem iniungimus aliis comitibus Siculorum nostrorum et vicecomitibus eorundem in futurum constituendis dantes ipsis similibus sub praeceptis. Praesentes autem post earum opportunam lecturam apud dictos fideles cives et Saxones nostros volumus remanere. Datum Budae, in festo beatae Katherinae virginis et martyris, anno domini millesimo CCC^mo LXXX^mo quinto.


1) Vorlage: eis.^{^}