Urkunde Nr. 1189 aus Band II

Seite im UB:

589

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1189

Ofen 1384 Februar 14 Königin Maria verbietet der Stadt Klausenburg die Gerichtsbarkeit über Jobagionen und Familiaren des Kolozsmonostorer Abtes.

Maria dei gratia regina Hungariae, Dalmaciae, Croaciae et cetera fidelibus suis iudici, iuratis et universis civibus et hospitibus nostris de Koloswar salutem et gratiam. Dicit nobis religiosus vir dominus frater Ladizlaus abbas monasterii de Kolosmonostora, quod vos iobagiones suos et familiares impossessionatos more aliorum iobagionum suorum in suis possessionibus residentes in vestri medio creberrime in rebus et personis arestando iudicaretis, nulla tamen prius ut libertas dicti sui monasterii requirit ex parte eorundem coram ipso domino abbate vel suis officialibus iustitia postulata. Super quo fidelitati vestrae firmiter mandamus, quatenus a modo in antea iobagiones et familiares impossessionatos dicti domini abbatis in vestri medio in rebus vel personis arestare vel ad alicuius instantiam iudicare nullo modo andeatis. Si qui enim ex vobis adversus dictos iobagiones et familiares impossessionatos annotati domini abbatis quidquam actionis habent vel habuerint, idem in praesentia eiusdem domini abbatis vel officialium suorum legitime exequantur. Qui si in reddenda cuipiam iustitia tepidi exstiterint vel remissi, ex tunc non praedicti iobagiones et familiares impossessionati, sed iidem dominus abbas vel sui officiales in nostram vel iudicis ipsorum ordinarii praesentiam per querelantes legitime evocentur, ex parte quorum nos vel idem iudex ipsorum ordinarius sufficiens iustitiae exhibebimus complementum cuilibet querelanti dictante iuris aequitate. Datum Budae, in festo beati Valentini martyris, anno domini M^o CCC^o octuagesimo quarto.