Urkunde Nr. 1144 aus Band II

Seite im UB:

541-542

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1144

Gradna 1381 Juli 3 König Ludwig I. benachrichtigt die Gemeinde Eppeschdorf und die zu ihr noch gehörigen andern Gemeinden, dass er sie den beiden Stühlen Mediasch und Schelk einverleibt habe.

Lodouicus dei gratia rex Vngariae, Poloniae, Dalmaciae et cetera fidelibus suis iudicibus, iuratis et universis populis ac hospitibus de villa Ebesfolua et de aliis villis pertinentibus ad eandem salutem et gratiam. Fidelitati vestrae praesentibus declaramus, quod nos iuxta consilium et dispositionem venerabilis in Christo patris domini Goblini episcopi ecclesiae Albensis Transsiluaniae nobis fidelis et dilecti et ad supplicationis instantiam fidelis nostri Ladislai filii Emerici de dicta Ebesfolua ac etiam aliis certis de causis vos a die emanationis praesentium¹⁾ amplius et de cetero consortio et societati fidelium seniorum et Saxonum nostrorum sedium nostrarum de Meggyes et de Selk gratiose duximus aggregandos, adiungendos et applicandos volentes, ut a modo et deinceps sub eisdem iuribus, consuetudinibus et libertatibus, quibus iidem hactenus freti sunt, vivere, stare et inviolabiliter permanere debeatis. Quapropter fidelitati vestrae mandamus regio sub edicto, quatenus ulterius et in antea cum eisdem fidelibus Saxonibus nostris praedictarum sedium de Meggyes et de Selk vos unanimes in omnibus libertatibus et consuetudinibus reputetis ac eis adiunctos et applicatos teneatis, cum ipsisque secundum ipsorum ritum et consuetudinem collectas, prout decet, de domibus numeralibus nostrae maiestati persolvatis, mandantes eisdem fidelibus nostris Saxonibus dictarum sedium de Meggyes et de Selk, ut praemissae nostrae dispositioni contravenire non attentent, sed vos populos nostros de praefata Ebesfolua et de aliis villis pertinentibus ad eandem ulterius et in antea pro veris et legitimis consociis habere debeant et tenere et eisdem iuribus, consuetudinibus ac libertatibus uti, frui et gaudere permittant, quibus ipsimet potiuntur, libere, pacifice et quiete ac sine quolibet impedimento. Aliud igitur non facturi. Praesentes autem semper [S. 542] apud vos volumus remanere. Datum in villa Gradna, quinta die festi beatorum Petri et Pauli apostolorum, anno domini millesimo trecentesimo octoagesimo primo.

Unter dem Siegel: Commissio domini regis propria et relatio domini Geublini episcopi Transsiluani.


1) Juli 3. ^{^}