Urkunde Nr. 1137 aus Band II

Seite im UB:

535-536

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1137

Johannisdorf 1380 November 12 ^a) Ladislaus, Woiwode von Siebenbürgen, bezeugt, dass die Adligen von [Regen /] Reen dem Kolozsmonostorer Konvent die Besitzung Apaty überlassen haben.

Nos Ladislaus vaivoda Transsiluanus et comes de Zonuk memoriae commendamus, quod constitutis coram nobis magistris Dyonisio filio Thomae ac Ladislao, Georgio filiis Stephani de Kegun fratribus nostris suis necnon ceterorum fratrum ipsorum in personis confessum exstitit per eosdem magistros Dyonisium, Ladislaum et Georgium eorum ac aliorum fratrum suorum praedictorum nominibus ministerio vivae vocis in hunc modum, quod quia possessio Apaty vocata prope dictam possessionem ipsorum Regun situata in comitatu Tordensi existens per quondam magistrum Thomam filium [Dyonisii fe]licis recordationis avum ipsorum monasterio beatae virginis de Clusmonostra et per eum abbati ac fratribus in eodem deo iugiter famulantibus in remedium ac salutis animae suae in perpetuum tradita sit et existat, pro eo ipsi eandem possessionem Apaty vocatam simul cum universis suis utilitatibus et pertinentiis sub eisdem metis ac limitationibus, quibus per eundem quondam magistrum Thomam avum eorum donata dignosceretur et collata, eo quod ab eodem tempore incipiens eadem possessio per eundem monasterium ac abbatem et fratres in eodem deo famulantes pacifice possessa asserebatur et eidem monasterio, abbati ac fratribus in eodem deo laudes referentibus in perpetuum dedissent, donassent et contulissent, immo dederunt, donaverunt et contulerunt irrevocabiliter per eundem monasterium tenendam, utendam pariter et habendam obligantes se idem magistri Dyonisius, Ladislaus ac Georgius se ac alios fratres et superstites ipsorum vigore praesentium mediante, quod si ipsi aut fratres vel posteritates ipsorum in dominium dictae [S. 536] possessionis Apaty temporum in processu aliquo modo se intromitterent absque consensu et assensu ipsius monasterii ac sui abbatis, ex tunc tantam possessionem vel possessionariam portionem in praedicta Regun habitam ad praenominatam possessionem Apaty applicare et suo monasterio ac abbati dare et donare assumpsissent, immo assumpserunt corara nobis. Datum Zenthiuan, feria secunda proxima post festum beati Martini confessoris, anno domini M^mo CCC^mo LXXX^mo.


a) Ausstellungsort im UB als: Vajdaszentivany.^{^}