Urkunde Nr. 1127 aus Band II

Seite im UB:

525-526

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1127

1380 April 23 Das Weissenburger Kapitel schaltet die Urkunde des Woiwoden Ladislaus von 1380 Nr. »1123 ein und berichtet dem Woiwoden, dass Bagych, Annych, Magdalena und Anna, die Schwestern, sowie Anna, die Tochter, und Anna, die Nichte Michaels von Kelling, mehrere Besitzanteile und Besitzungen unter sich aufgeteilt haben.

Magnifico viro domino Ladizlao vaivodae Transsiluano et comiti de Zonuk amico ipsorum capitulum ecclesiae Transsiluanae debitae amicitiae et honoris continuum incrementum. Literas vestrae magnificentiae nobis directas recepimus in haec verba. (Folgt die Urkunde des Woiwoden Ladislaus von 1380 Nr. »1123.) Nos itaque iustis et legitimis petitionibus vestris annuentes cum praedicto Torda homine vestro nostrum hominem videlicet magistrum Egidium socium et concanonicum nostrum pro testimonio fide dignum ad praemissa peragenda duximus transmittendum. Tandem iidem vester et noster homines ac magister Vbul de Kallou pro praefatis dominabus Magdalena consorte sua ac Bagych et Anych filiabus praetacti quondam Michaelis filii Danielis ac pro nobili puella Anna filia Ladizlai sine procuratoriis literis onus tamen et gravamen, si eaedem dominae et puellae infra scriptam confessionem non acceptarent, in se assumens ac Johannes filius praedicti quondam Petri vicevaivodae pro praenotata domina Anna relicta Johannis filii Petri de Diznoyow filia videlicet similiter memorati quondam Michaelis filii Danielis cum sufficientibus procuratoriis literis necnon Emericus filius Andreae de Gyog superiori pro praelibata nobili puella Anna filia Michaelis filii dicti quondam Michaelis filii Danielis sine procuratoriis literis, onus tamen et gravamen si eadem puella infra scriptam confessionem non assumeret in se recipiens ad nos reversi nobis concorditer retulerunt, quod ipsi ad facies praenominatarum possessionum et portionum possessionariarum praenotati quondam Michaelis filii Danielis infra nominatarum ipsas dominas et puellas contingentium et ad eas devolutarum et deventarum vicinis et [S. 526] commetaneis earundem convocatis accessissent et eas usualiter modo tali divisissent. Primo enim ad faciem portionis ipsarum possessionariae in possessione Birbou vocatae modo praemisso accedendo eandem in sex partes divisissent et cuilibet praedictarum dominarum et puellarum cessissent duae curiae integrae cum media iobagionibus congruentes, deinde ad faciem portionis earum possessionariae in possessione Spreng vocatae existentis accessissent eandemque similiter in sex partes divisissent et cuilibet ipsarum dominarum et puellarum cessissent una curia et media iobagionibus aptae. Demum ad faciem portionis possessionariae ipsarum in possessione Drassow habitae accedentes eandem in sex partes divisissent et cuilibet ipsarum dominarum et puellarum una mansio provenisset. Tandem ad faciem portionis possessionariae in possessione Henengfolua nuncupata habitae transeuntes eandem in praemissas¹⁾ sex partes divisissent et cuilibet earundem dominarum et puellarum excepta domina consorte Vbul unus iobagio et tres mansiones vacuae cessissent, praefatae vero consorti Vbul duo iobagiones et tres mansiones vacuae cessissent seu devenissent, abbinc ad faciem possessionis Vingarth accessissent eandemque in sex partes divisissent et uni cuique ipsarum dominarum et puellarum una curia pro ipsis apta et congruens et octo curiae integrae iobagionum exceptis sessionibus vacuis provenissent. Deinde ad faciem possessionis Kuth transeundo eandem in sex partes similiter divisissent et quaelibet ipsarum dominarum et puellarum habuisset sex curias integras iobagionum. Demum ad faciem portionis possessionariae in possessione Geregerfaya vocatae existentis eundo eandem ut supra in sex partes divisissent et cuilibet ipsarum dominarum ac puellarum devenissent duae curiae integrae cum media. Tandem ad saperficiem portionis possessionariae in possessione Vereseghaz appellatae accedentes eandem in sex partes divisissent et quaelibet dominarum et puellarum praedictarum habuisset duas curias integras. Abhinc ad faciem portionis possessionariae in possessione Rengerkyrh existentis transeuntes eandem in sex partes divisissent et cuilibet ipsarum dominarum et puellarum cessissent una curia cum media. Abhinc ultimo ad faciem portionis possessionariae in possessione Benchench vocata habitae accessissent eandemque modo praemisso in sex partes divisissent et uni cuique ipsarum dominarum et puellarum tres curiae et media provenissent. Terras vero arabiles, cultas et incultas, prata, silvas, nemora et aquas prout usque modo uti exstitissent ita et deinceps uti communiter permisissent. Ceterum praenominati magister Vbul, Johannes filius quondam Petri vicevaivodae et Emericus filius Andreae de Gyog in personis praedictarum dominarum et puellarum assumpserunt easdem firmiter obligando, ut praenotatam divisionem nulla ipsarum infra decem annos possint retractare seu revocare modo aliquali. Datum feria secunda proxima ante festum beati Georgii martyris, anno domini millesimo CCC^mo LXXX^mo. [S. 527]

Auf der Rückseite von einer Hand des 15. Jahrhunderts: Dys yst dy delwng Spreng.


1) Vorlage: praemissa.^{^}