Urkunde Nr. 1101 aus Band II

Seite im UB:

499

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Eintragung / Konzept

Abdruck als:

Volltext

Sprache:

Latein

---

1101

1378 November 22 Das Weissenburger Kapitel bezeugt, dass Ladislaus, Sohn Emerichs von Eppeschdorf, dem Dominikanerkloster in Schässburg eine Curia quartalis in Pruden, ferner den vierten Teil einer Mühle daselbst und 18 Joch Ackerland auf Prudener Hattert vermacht hat.

Capitulum ecclesiae Transiluanae omnibus Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod nobilis vir Ladislaus filius Emerici de Ebesfalua ad nostram personaliter veniendo praesentiam proposuit et confessus exstitit oraculo vivae vocis, quod ipse unum fundum seu curiam quartalem in villa Prod vocata in contigua vicinitate curiae similiter quartalis comitis Salomonis de Segusuuar habitam ac quartam partem molendini in fluvio Patak vocato¹⁾ ibidem existentis necnon decem et octo iugera terrarum arabilium intra metas eiusdem villae Prod habitae et existentis ipsum de iure contingentia claustro beatae Mariae virginis in praedicta Segusuuar constructo²⁾ et habito³⁾ ac fratribus ordinis praedicatorum in eodem claustro nunc et pro tempore constitutis et commorantibus ob remedium parentum suorum ac pro sua salute dedisset et donasset ac dedit et donavit coram nobis perpetuo et irrevocabiliter possidenda, tenenda et habenda totum ius et dominium eorundem in ipsum claustrum et fratres transferendo hoc tamen declarato, quod praedicti fratres curiam et ipsam quartam molendini ac terras arabiles numquam vendere et ab ipso claustro alienare possent et valerent, sed iidem⁴⁾ fratres nunc et pro tempore in dicto claustro constituti et commorantes semper et in aevum uti deberent et uterentur fructus et utilitates eorundem percipiendo. In cuius rei testimonium praesentes literas nostras privilegiales pendentis et authentici sigilli nostri munimine roboratas duximus concedendas. Datum in die festi beatae Caeciliae virginis et martyris, anno domini M^mo CCC^mo LXX^mo octavo. Discretis viris Ladislao praeposito doctore decretorum, Benedicto cantore canonico non existente, Petro custode, Ladislao plebano de Igen et decano canonicis ecclesiae nostrae praedictae existentibus. [S. 500]


1) Vorlage: vocata.^{^}
2) Vorlage: constructa.^{^}
3) Vorlage: habita.^{^}
4) Vorlage: eosdem.^{^}