Urkunde Nr. 1091 aus Band II

Seite im UB:

488-489

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 37.

Druckvorlage:

nach Original

Abdruck als:

Volltext

Sprache:

Latein

---

1091

Wissegrad 1378 März 16 König Ludwig I. erlässt zu Gunsten der Hermannstädter eine Verordnung, betreffend die ihren Boten für die Reise zum König oder zur Königin gewährte Freiheit von Abgaben.

Lodouicus dei gratia rex Hungariae, Poloniae, Dalmaciae et cetera fidelibus suis universis praelatis, baronibus, comitibus, castellanis, nobilibus, officialibus nostrisque et eorundem tributariis ubique intra ambitum regni nostri constitutis, item civitatibus et liberis villis ipsarunique rectoribus iudicibus et villicis quibus praesentes ostenduntur salutem et gratiam. Noveritis quod Nicolaus dictus Feketew et Johannes dictus Ramchogul cives de civitate nostra Cybyniensi suis et universorum civium ac mercatorum nostrorum de eadem in personis ad nostrae serenitatis venientes conspectum nobis detexerunt, quod cum iidem cives nostri ambasiatores et speciales eorum nuncios in nostris vel eorum propriis factis et negotiis in nostram vel reginalem praesentiam transmitterent et ad loca tributorum vestrorum iidem pervenirent, vos super ipsos tributum exigeretis et exigi faceretis. Et cum nos de huiusmodi ambasiatoribus seu nunciis specialibus tributum exigi non velimus aliquale, fidelitati vestrae praesentibus praecipimus firmissime, quatenus de iam dictis ambasiatoribus seu nunciis specialibus eorundem civium et mercatorum nostrorum, dum iidem in nostram aut reginalem praesentiam absque rebus mercimonialibus venire voluerint et ad loca tributorum ves- [S. 489] trorum pervenerint, nulluni tributum nullamque tributariam solutionem¹⁾ petere et exigere aut exigi facere praesumatis, aliud facere non ausuri. Datum in Wyssegrad, feria tertia proxima post dominicam Reminiscere, anno domini M^mo CCC^mo LXX^mo octavo.


1) Fehlt in der Vorlage.^{^}